E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Aleatët e majtë kundër reformës zgjedhore/ Milo: Po përsëriten paktet e shkuara, PS-PD nuk pranojnë partitë jo parlamentare

8 Janar 2016, 08:17, Aktualitet CNA

Partitë e vogla, jo parlamentare janë shprehur kundër bisedimeve të reformës zgjedhore vetëm me partitë që janë pjesë e Kuvendit të Shqipërisë. Kreu i Partisë Demokracia Sociale, është shprehur në një prononcim për gazetën ?Sot? se dy partitë e mëdha politike, PS-PD, po përsërisin paktet e shkuara për të nxjerrë jashtë loje partitë e tjera nga diskutimet për reformën zgjedhore.

?Komisionet parlamentare nuk pranojnë partitë jo parlamentare. Ajo çka është në traditën e tyre, edhe këtë herë do të jetë e njëjta gjë. Kështu janë sjellë dhe kështu do të sillen.? Ka thënë Milo

Partitë e vogla vazhdimisht kanë bërë tre propozime për t?i reflektuar në ligjin e ri zgjedhor. Kanë kërkuar vendosjen e korrektimit kombëtar të sistemit proporcional, së dyti, uljen e pragut elektoral për partitë politike që garojnë të vetme dhe për koalicionet, dhe së treti përfaqësimin e të gjitha subjekteve politike vëzhgues në procesin e numërimit të votave.

?Këto janë tre propozime që në një mënyrë ose në një tjetër do bihet dakord që të shqyrtohen. Presim komisionin t?i japë formë konkrete propozimeve, me qëllim që ato të bëhen pjesë e Kodit të ardhshëm Zgjedhor?, është shprehur më herët Milo.

Edhe Kreu i Aleancës Demokratike, Zef Bushati, është shprehur se partitë e vogla nuk do të tërhiqen nga beteja për ndryshimin e ligjit zgjedhor sipas proceseve demokratike. Ai tha se partitë nuk mund të administrojnë procesin zgjedhor dhe aq më tepër të numërojnë votat. Zef Bushati shprehet se nuk ka më besim te koalicioni qeverisës, ndërsa u bën thirrje partive politike të heqin dorë nga manipulimet dhe pazaret me proceset zgjedhore.

?Ne, në mënyrë absolute nuk heqim dorë nga kjo betejë. Në asnjë vend të botës partitë politike nuk menaxhojnë procesin zgjedhor dhe nuk numërojnë votat në fund të zgjedhjeve. Partitë administrojnë procesin zgjedhor, e menaxhojnë, dhe në fund numërojnë votat. Sa herë që kanë përfunduar zgjedhjet, gjatë numërimit të votave janë vjedhur votat. Nëse ligji zgjedhor nuk ndryshon, Shqipëria nuk do të ndryshojë. Gjithmonë situata këtu do të korruptohet pikërisht nga partitë që menaxhojnë dhe drejtojnë zgjedhjet. Janë 385 mijë vota që përfaqësojnë këto parti të vogla. Kjo situatë duhet të ndryshojë urgjentisht. PS ka marrë 200 vendime kundër partive. Sa herë që vjen dita e zgjedhjeve, ulesh bisedon dhe më pas premtimet nuk mbahen?, u shpreh Bushati.