web counter
LEXO PA REKLAMA!

SHKARKO APP

Lufta e ftohtë, Turqi-Rusi / Putin sanksione të rënda ndaj Turqisë

29 Nëntor 2015, 10:48, Kosova & Bota CNA

Vladimir Putin paralajmëroi pasoja tragjike për Turqinë pas rrëzimit të avionit rus.  Të tilla kanë qenë sanksionet e vendosura prej tij. Presidenti rus ka dekretuar mbrëmjen e djeshme sanksionet që do të ndërrmeren ndaj Turqisë dhe hyjnë në fuqi menjëherë.

Sanksionet e vëna  do të kenë një efekt të menjëhershëm në ekonominë turke dhe janë mjaft të rënda. Putin ka ndaluar importimin e shumë prodhimeve turke, ka kufizuar veprimtaritë e organizatave turke në Rusi, por mbi të gjitha, masa më e rëndë ka qenë ndalimi i punësimit të turqve në Rusi.

Putin i ka dhënë një goditje edhe turizmit turk. Moska zyrtare ka urdhëruar gjithë agjencitë turistike të bojkotojnë Turqinë si destinacion turistik. Gjithashtu pritet të hyjë në fuqi në 1 janar edhe rikthimi i regjimit të vizave mes dy vendeve.

Rusia është partneri i dytë më i madh i Turqisë me më shumë se 31 miliardë dollarë shkëmbime tregtare. Lufta e ftohtë mes dy vendeve duket se do të vazhdojë gjatë.





Lajmet e fundit nga