web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet/ Shënohet viktima e parë në Dibër, ja cila është situata në vend

22 Nëntor 2015, 17:31, Aktualitet CNA

Reshjet e dendura të shirave dhe moti i keq kanë shkaktuar një situatë të rënduar në disa zona të vendit, ndërkohë që sipas ministrisë së Brendshme për shkak të kësaj situate ka humbur jetën shtetasi Adil Vladi 27 vjeç, i cili ishte duke pastruar një kanal uji në hidrocentralin Lura 1, Lura 2, në Armollë, qarku Dibër.

Situata e rënduar nga moti i keq ka sjellë përmbytje nga uji, mungesë energjie elektrike, dëmtime të urave, bllokime rrugësh për shkak të inerteve etj., të cilat përveç vështirësive të krijuara, kanë dëmtuar në disa raste pasurinë apo bizneset e shtetasve.

Strukturat e Policisë së Shtetit, shërbimit zjarrfikës, strukturat e Ministrisë së Mbrojtjes, të Transporteve, të Ministrisë së Punëve të Brendshme, nën drejtimin e Prefektëve po punojnë në terren për përballimin e situatës.

Qarku Tiranë:

Policia e Tiranës, dhe saktesisht nga shërbimet e patrullës së përgjithëshme të Komisariatit Nr.5, njoftojnë se tek ?Ura e Insitut Bujqësor?, në drejtim të Paskuqan 1, është duke dalë nga shtrati lumit dhe rrezikohen banesat. Zonat e prekura nga përmbytjet janë : Bathore, Paskuqan, Frutikulturë, Valias. Policia është në vendngjarje dhe deri me tani janë evakuuar 4 familje. Gjithashtu njoftohet se edhe nga shërbimet e Komisariatit Nr.4, kanë evakuuar nga zona ?Kafja e Rremës? 6 familje dhe një nga ul?Ura e Babrroit?, janë vendosur te qëndra e Romëve. Policia e Kryeqytetit është në gadishmeri të plotë për situatën e krijuar nga reshjet

? Ka pasur probleme të përmbytjes nga uji në zonat përballë ish ekspozitës ?Shqipëria sot?; në Kodër Kamëz rruga ?Rustem Haklaj?; si dhe në Yzberisht, rruga ?Riza Juka?.

Në vendngjarje është dërguar automjet zjarrfikës për thithjen e ujit dhe punonjës nga bashkia e Tiranës dhe struktura të tjera për normalizimin e situatës. Prezencë uji ka edhe në disa rrugë kryesore të qytetit Tiranë dhe në zonat përreth.

? Tek ish-stacioni i trenit rruga ?Karl Gega? ka një shembje dheu në një gropë pallati. Po merren masa urgjente nga Njësia Administrative për ndërhyrje në këtë situatë.

? Autostrada Tiranë-Durrës, është përkohësisht me trafik të rënduar për shkak të prezencës së ujit në autostradë. Po punohet në bashkëpunim me Drejtorinë e ARRSH-së për normalizimin e situatës.

? Në lagjet Kombinat, Yzberisht, Kashar dhe Paskuqan ka ndërprerje të energjisë elektrike. Grupet e OSHEE-së janë në terren për riparimin e difekteve.

Qarku Kukës:

Për shkak të reshjeve që vazhdojnë me intensitet të lartë, ka pasur ndërprerje të energjisë dhe inerte në mjaft prej akseve rrugore. Nga erërat e forta është dëmtuar në disa vende edhe sinjalistika rrugore. Problem është rrëshqitja e aksit rrugor Kukës-Bushtricë Km 29 dhe rrëshqitja e aksit Krumë-Qafë Prush në vendin e quajtur Bregu ? Vlanës.

Është dëmtuar një biznes në Bashkinë Has, si dhe dy stallë bagëtish në fshatin Domaj. Megjithatë në territoret e bashkive nuk ka bllokim të qarkullimit. Ka ndërprerje të energjisë elektrike si rezultat i erërave të fuqishme që kanë goditur linjat e tensionit të mesëm e të ulët duke shkaktuar këputje telash dhe rënie shtyllash.

Aktualisht  janë pa energji:

Rrethi Kukës ? Njësia Administrative Arrën, Kalis, Grykë Çaj, Malzi, Zapod, Shishtavec, Topojan.

Rrethi Has ? Njësia Administrative Fajza, Gjinaj (tre fshatra), Golaj (dy fshatra).

Rrethi Tropojë ? Lekbibaj, Margegaj, Tropojë e Vjetër, Bytyç

 





Lajmet e fundit nga