web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen firmat e Andrea Manos/ Ja si lindi kompania e kreut të PD-së në Korçë

22 Nëntor 2015, 15:47, Aktualitet CNA

Citynews ka denoncuar mjaft raste  lidhur me një nga personazhet politike më të akuzuar në qytetin e Korçës dhe ai është kreu i PD-së së këtij qyteti, Andrea Mano, i njohur në qytet me pseudonimin, Aldo.

Andrea Mano është sot në detyrën e kreut të PD-së por ai njihet si një nga ortakët dhe bashkëpunëtorët e vjetër të zv.kryeministrit Niko Peleshi. Mano ka hyrë në PD nëpërmjet PDR-së së Genc Pollos, në krye të së cilës e vendosi vetë Peleshi. Pas shkrirjes së PDR-së, Mano kaloi tek PD, i vetmuar me një shok dhe tre servila nga pas. Shumica e mbështetësve të tij e kishin braktisur dhe ndoqën nga pas Niko Peleshin, edhe pse ky i fundit ishte në opozitë.

Qëllimi i këtij shkrimi nuk është për të treguar se kush është ky palo politikan apo  sekseri e Niko Peleshit tek opozita, por për të treguar se si Andrea Mano ka ndërtuar kompani private nëpërmjet të cilave edhe pse në opozitë ai pritet të ketë bashkëpunimin dhe mbështetjen e Niko Peleshit për të fituar miliona nga tenderat e qeverisë.

Kompania e Manos

Kompania quhet ?ALBANIA CONSTRUCTION?, është themeluar në 4 qershor të vitit 2013, pikërisht në kohën kur PD ishte në kulmin e fushatës elektorale. Andrea Mano, është bërë pronar i kompanisë së mësipërme, e cila është themeluar nga një vajzë 24-vjeçare, me adresë në Tiranë, në rrugën ?Tish Daija?, kompleksi Kika në kat të dytë. Zonjusha e quajtur Besiana Mullalli, themelon një kompani me kapital themeltar prej 1 milionë lekë të reja. Kompania ?AC? shpk ka 100% si kapitalin themeltar, Besjana Mullalin. Një vajzë 24-vjecare, e sapo dalë nga bankat e shkollës, themelon një kompani dhe derdh një kapital të majmë. E pyetur nga citynews, Besiana tha se gjithçka e ka të trashëguar nga prindërit e saj. Në fakt, ajo nuk donte të ishte shumë konkrete në përgjigjet e saj, por nuk mohoi në asnjë çast njohjen dhe miqësinë me Andrea Manon, në mbështetje të të cilit në vitin 2011, kur ishte ende studente, ajo kishte qenë pjesë e fushatës dhe stafit të tij elektoral. Firma e themeluar nga Besiana Mullalli, pak kohë më vonë i kalon Andrea Manos. Ky i fundit e kalon kompaninë pasive dhe ajo figuron me status ?të pezulluar? pa afat që prej datës 13 nëntor 2015.
Citynews, në ditët në vijim do të publikojë të gjithë dokumentacionin dhe akte jo vetëm të kësaj kompanie por edhe subjekte të tjera që kreu i PD-së në Korçë dhe ortaku i Niko Peleshit, Andrea Mano i ka në emrin e tij apo të personave të tjerë. Vijon…/citynews

 

 

 





Lajmet e fundit nga