web counter
LEXO PA REKLAMA!

SHKARKO APP

App Store
Google Play

E fundit!

x

Orët e fundit të Koço Kokëdhimës në parlament

22 Nëntor 2015, 12:57, Aktualitet CNA

Orë ankthi dhe pasigurie për superdeputetin e Partisë Socialiste, Koço Kokëdhima, i quajtur ndryshe edhe si Pashai dhe Bimbashi i Jugut. Ditën e hënë, pra nesër, Gjykata Kushtetuese do të mblidhet për të vendosur për përjashtimin ose jo të Koço Kokëdhimës nga Parlamenti Shqiptar. Të gjitha burimet, indiciet, precedentët dhe zërat në korridoret e politikës, thonë se Gjykata Kushtetuese do t?i heqë mandatin e deputetit Kokëdhimës, me argumentin se ka përfituar fonde publike, duke dhunuar nenet e Kushtetutës, të cilat e bëjnë të pavlefshëm mandatin e tij. Sipas burimeve dhe një versioni të orëve të fundit, shumica e anëtarëve të Gjykatës Kushtetuese janë pro përjashtimit të Koço Kokëdhimës nga Parlamenti. Në Kushtetuese ka pasur një dilemë dhe lobim të madh për këtë çështje. Gjyqtarët janë ndarë në dy grupe, pro dhe kundra heqjes së mandatit. Secili grup ka sjellë argumente, referenca ligjore dhe arsyetime për të mbrojtur qëndrimin e tij.

Gjithsesi, më në fund, anëtarët e Gjykatës Kushtetuese, duket se janë ndarë 5 me 4 në favor të heqjes së mandatit të deputetit Koço Kokëdhima. Pavarësisht lobimit të fuqishëm dhe presionit të madh, një vendim i kundërt, do të binte ndesh me vendimin e tre viteve më parë për Ilir Beqajn, i cili ashtu si Kokëdhima, përfitoi nga fondet publike. Gjithsesi, fati i mandatit të Kokëdhimës nuk është përcaktuar. Gjithçka mund të ndodhë dhe të luhet në prapaskenë deri ditën e hënë, në orën 10:00, kur të nisë seanca.

Në fund të muajit tetor, Kokëdhima arriti ta shtynte vendimin e gjykatës për mandatin e tij, për shkak se ishte i pasigurtë si dhe për shkak se Edi Rama nuk ishte në Tiranë, por në Kinë. Siç dihet, Edi Rama është mbështetja e vetme politike e Koço Kokëdhimës. Në këto kushte, në orët në vijim, kryeministri Edi Rama pritet të vihet në lëvizje, në përpjekje për të shpëtuar mikun e tij të vjetër, i cili po kalon një moment të vështirë politik. Me anë të telefonit apo ndërmjetëseve, Rama pritet që të hyjë në komunikim me gjyqtarët, për ta kthyer shumicën në favor të mikut të tij.





Lajmet e fundit nga