web counter
LEXO PA REKLAMA!

SHKARKO APP

App Store
Google Play

E fundit!

x

Vuçiq i habit të gjithë, del në mbrojtje të Islamit

16 Nëntor 2015, 16:03, Kosova & Bota CNA

Kryeministri serb Aleksandar Vuçiç ka publikuar një tekst në gazetën ?Alo? të Serbisë e cila i ka habitur të gjithë. Ai është vendosur në mbrojtje të muslimanëve, duke cituar profetin Muhamed.

?Asnjë ndarje në të mirë dhe të këqij nuk është e pranueshme. Arabi nuk ka përparësi ndaj jo-arabëve, e as jo-arabi ndaj arabëve. I bardhi nuk është më i mirë se zezaku e as zezaku më mi mirë se i bardhi. E vetmja gjë që është e rëndësishme është devotshmëria dhe kualiteti personal. Ngjyra dhe besimi nuk luajnë kurrfarë roli. Të gjithë qeniet njerëzore janë pasardhës të Ademit dhe Ademi me të vërtetë është paraardhës i tyre?, është citati i përdorur nga Vuçiç, i cili më tutje vazhdon:

?Këto janë fjalët e profetit Muhamed të shqiptuara shumë para 26 gushtit të vitit 1789 dhe Deklaratës për të drejtat e njeriut dhe qytetarit, e cila në mënyrë thelbësore e ka proklamuar të njëjtë- se ?njerëzit lindin dhe jetojnë të lirë dhe të barabartë?.

Vuçiç konstaton, se të premten më 13 nëntor 2015, të gjitha religjionet dhe të gjitha vlerat kanë qenë viktimë e terrorit të pakuptimtë, që nuk ka lidhje me asnjë fe.

?Dëshirojmë të kuptohemi dhe të punojmë me fqinjët, boshnjakët dhe muslimanët, dhe gjithë të tjerët. Të punojmë, të rritemi, të mos frikësohemi nga asgjë, dhe të mundësojmë që nga ne askush më të mos frikësohet. Ky, fundja, është ideali i të gjitha religjioneve. Edhe Bibla edhe Kurani e vlerësojnë jetën dhe punën në të njëjtën masë sikurse të gjitha deklaratat për të drejtat e njeriut, barazinë, lirinë dhe pavarësinë, të krijuara në fund të shekullit 18, në kohë e krijimit të rendit të ri?, thekson ai.





Lajmet e fundit nga