web counter
LEXO PA REKLAMA!

SHKARKO APP

App Store
Google Play

Vladimir Putin: ISIS financohet nga anëtarë të G20-s

16 Nëntor 2015, 16:29, Kosova & Bota CNA

Presidenti rus, Vladimir Putin, gjatë samitit dyditor të G20-s që po mbahet në Antalia të Turqisë, ka bërë të ditur se terroristët janë duke u financuar nga 40 vende gjithsej, përfshi edhe disa shtete anëtare të G20-s.

?Kam ofruar shembuj bazuar mbi të dhënat tona mbi financimin e njësive të ndryshme të Shtetit Islamik nga individë të ndryshëm privatë. Këto parà, nga çfarë nga rezulton neve, vijnë nga 40 vende dhe, mes tyre ka edhe disa prej anëtarëve të G20-s?, ka thënë Putin për gazetarët.

Nuk është momenti i duhur për të përcaktuar se cili vend është më shumë apo më pak efektiv në betejën kundër Shtetit Islamik, pasi tashmë është më shumë se kurrë e nevojshme një unitet ndërkombëtar kundër këtij grupi terrorist, ka thënë më tej Putin.

Udhëheqësi rus ka përsëritur edhe njëherë gatishmërinë e Moskës për të mbështetur opozitën e armatosur në Siri, në përpjekjet e tyre për të luftuar Shtetin Islamik.

?Disa grupe të armatosura opozitare le ta konsiderojnë të mundshme nisjen e operacioneve aktive kundër xhihadistëve të Shtetit Islamik me mbështetjen e Rusisë. Ne jemi gati të ofrojmë një ndihmë të tillë, qoftë edhe nga ajri. Nëse kjo do të ndodhë, do të përbënte një bazë të mirë për punën pasuese mbi një zgjidhje politike në Siri?, tha Putin. ?Ne kemi me të vërtetë nevojë për ndihmë nga Shtetet e Bashkuara, kombet e Bashkimit Europian, Arabia Saudite, Turqia dhe Irani?, tha në fund Putin.





Lajmet e fundit nga