web counter
LEXO PA REKLAMA!

SHKARKO APP

App Store
Google Play

E fundit!

x

Presidenti Nishani mesazh ngushëllimi homologut francez Hollande

14 Nëntor 2015, 08:46, Aktualitet CNA

Presidenti i Republikës, Bujar Nishani i ka dërguar një mesazh ngushëllimi homologut francez Francois Hollande për viktimat e sulmeve terroriste të ndodhura mbrëmjen e së premtes në kryeqytetin francez. Kreu i shtetit Nishani shkruan dënon akte barbare terroriste dhe ektremiste që synojnë të trembin dhe terrorizojnë, jo vetëm Francën dhe francezët, por mbarë botën e qytetëruar dhe demokratike.

Mesazhi i dërguar nga Presidenti Bujar Nishani

?Shkëlqesia Juaj,

Aktet e mbrëmshme terroriste në Paris më tronditën pa masë dhe e gjithë mendja e zemra ime janë në këto moment me Ju, me popullin dhe autoritetet franceze.

Në emrin tim dhe të popullit shqiptar, i përcjell ngushëllimet më të ndjera e të sinqerta familjarëve të viktimave, Juve, popullit dhe Qeverisë franceze. Të lënduarve i uroj shërim sa më të shpejtë.

I dënoj me forcën më të madhe këto akte barbare terroriste dhe ektremiste që synojnë të trembin dhe terrorizojnë, jo vetëm Francën dhe francezët, por mbarë botën e qytetëruar dhe demokratike. Ju siguroj për mbështetjen dhe solidaritetin e plotë, timen dhe të popullit shqiptar me autoritetet dhe popullin francez, për kapërcimin sa më shpejt të kësaj situate tronditëse e kritike.

Me ndjenjë të lartë solidariteti, ju lutem pranoni, Shkëlqesia Juaj, ngushëllimet e mia më të sinqerta.

Bujar Nishani?

 





Lajmet e fundit nga