Kush janë Ministrat e korruptuar për të cilët foli Ambasadori Donald Lu?

13 Nëntor 2015, 18:26, Aktualitet CNA

Ambasadori i Shteteve të Bashkuara të Amerikës Donald Lu deklaroi ditën e sotme se reformën në drejtësi e kundërshtojnë ministrat e korruptuar, deputetët kriminelë gjyqtarët dhe prokurorët e korruptuar gjithashtu.

Për prokurorët dhe gjykatësit është folur shpesh dhe besimi tek sistemi i drejtësisë gjithnjë ka qenë i vogël nga qytetarët. Lidhur me deputetët kriminelë, është artikuluar nga opozita, mazhoranca dhe ndërkombëtarët nevoja e dekriminalizimit të parlamentit, edhe pse ky proces ende nuk ka nisur për shkak të kundërshtive midis tyre.

Por kush janë ministrat e korruptuar për të cilët foli Ambasadori Donald Lu?

Një sërë ministrash janë akuzuar nga opozita, pasi sipas saj janë përfshirë në afera korruptive në dhënien e tenderave, si dhe janë hedhur dyshime lidhur me implikimin e ministrit të Brendshëm Saimir Tahiri në trafikun e drogës.

Ministri i Shëndetësisë Ilir Beqaj është akuzuar se kompania e themeluar prej tij ka përfituar 28 tendera që kur ai mori detyrën në postin e Ministrit. Një tjetër skandal ka ?autor? Ministrin Beqaj, pasi Ministria e Shëndetësisë ka dhënë një koncesion 10-vjeçar shumë-milionësh një kompanie pak të njohur dhe pa eksperiencë, që të ardhurat i vijnë nga një bar kafe në Berat.

Por skandalet për Ilir Beqaj nuk janë vetëm këto. Ai gjithashtu akuzohet për tenderin e check up-it, pasi kompania përfituese nuk është e specializuar fare në fushën e mjekësisë, por merret me tregti produktesh konsumi.

Një tjetër ministër i akuzuar është edhe ai i Financave, Shkëlqim Cani i cili tentoi t?i jepte 250 milion dollarë babait të tij që drejton një organizatë, me motivin për kryerjen e një shërbimi shtetëror, por ky veprim ndalohej të bëhej nga subjekte private.

Çështja e ?ministrave? mendohet të jetë edhe një nga arsyet kryesore e krisjes së aleancës Rama-Meta. Ky i fundit ka kërkuar ndryshimin e disa prej Ministrave, me pretendimin se nuk kanë arritur objektivat e parashikuara dhe se qeveria ka nevojë për ?impulse të reja?.

Thënë kjo, nuk dihet nëse Kryeministri Edi Rama do të reagojë lidhur me akuzat e drejtpërdrejta të Ambasadorit Donald Lu, si dhe me presionin e Kreut të Lëvizjes Socialiste për Integrim, Ilir Meta, për ndryshimin e disa ministrave edhe pse ai sot la të kuptohet se nuk do të ketë zëvendësime të anëtarëve të kabinetit. /citynews

Video ku Ambasadori Donald Lu deklaron se kush e pengon reformën në drejtësi:

[youtube url=”https://www.youtube.com/watch?v=ZNGSbcBNfPM&feature=youtu.be” width=”560″ height=”315″]