E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

HABERET E MITROS/NË ASHENSOR

13 Nëntor 2015, 11:09, Aktualitet CNA

Nga Mitro Çela

Tre ditë më parë, hipa në ashensor me nje nder vajzat më të bukura të TOP CHANNEL. Kur u mbyll dera. me shumë takt i thashë:
-Mirëdita!
-Njihemi?
Mbeta si peshku pa ujë. Nuk ja mora për të keq. Ishte biondinë.
Kur ashensori mbriti në katin e dytë, ikën dritat. Mbetëm. Cupa në fillim u drodh. Nisi të bërtasë: “Ndihmë!”. Pataj më kapi nga duart. Më erdhi mirë. Më lutej ta bëja diçka…Kaloi një minutë…Erdhën dritat. Cupa më lëshoi duart…U largua pa ndenjauar as të më përshëndesë. Ishte ky sebepi që mu kujtua një histori e vjetër…
Kur u ndërtua Piramida në Tiranë, rreth viteve 1985, u vendos edhe një ashensor. Pas shumë vitesh punë, tashmë i plakur, kishte nisur të hidhte shkelma, d. m. th., nëse merrte njëkohësisht dy komanda, të degdiste në bodrum.
-Punë me zarar,- më tha Filipi,- nëse të ndodh edhe ty, shoku Mitro, por të kemi parasysh moshën tënde të pjekur, edhe pse ende, siç më llafos Ezmerka, nuk të ka dalë dhëmballa e pleqërisë…
E dëgjova. Qesha. Nuk besova. Së pari, nuk ka mundësi që shoku Enver të importonte ashensor me moshë pleqërie 20-vjeçare. Së dyti, pse të shtypë njeriu dy komanda, kur i duhet vetëm njëra. Shaka e radhës, mendova, duke e parë shefin vëngër.
Por një ditë të bukur, duke dashur të ngjitem lart për të marrë honoraret, ashensori në fillim u lëkund. Pastaj mori vrull dhe bëri një përplasje në bodrum, pa shumë lezet.
Në fillim nuk bëra zë. I vetëm. Errësirë. Kujtova partinë. Po shkoj për dhjamë qeni, pa lënë as amanetet si duhet të jetë Presidenti. I mëngjër apo i djathtë. Nga shoqëria civile apo nga politika. Kaur apo mysliman. (Duhet të parapëlqehet ortodoks, sepse kemi mysliman Doktorin-kryeministër dhe katolike Jozefinën-kryetare të Kuvendit.)
Kur kaluan disa minuta në vetmi, pa rënë në panik – nuk është e hijshme për mua që bëj pjesë në udhëheqjen e lartë të PD-së, formova numrin e celularit të Filipit?
-Alo? kam rënë, bashkë me ashensorin, në bodrumet e shokut Enver. Bëj derman, se po soset oksigjeni!…
-Mbaju si trimat Mitro xhani! Po njoftoj teknikën, që të të krrejnë si koqe molle!…
Kaluan disa minuta. Kur humba durimin dhe besimin, ashensori mori të përpjetën. U ngjita në katin e tretë. Mora shkallët dhe u vardisa tatëpjetë. Në një tavolinë, Filipi vazhdonte muhabetin, pa e bërë qejfin qeder.
– Gjallë, shoku Mitro, – më thotë Fon Ilia. – Unë doja të të ndihmoja. Nuk më la shefi. Më tha: Mitros, i bën mirë të qëndrojë në errësirë. E ka zakon. Vetëm në errësirë mediton për biondina!…
-Soset oksigjeni?! ?Tha Foni.
-Mos u bëj merak. Njeriu konsumon oksigjen në përpjesëtim të zhdrejtë me moshën?