E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Tahiri: Në foltoren e Parlamentit flet edhe i vjedhuri, edhe hajduti

12 Nëntor 2015, 17:46, Aktualitet CNA

Ministri i Brendshëm Saimir Tahiri deklaroi se në foltoren e Parlamentit flet edhe i vjedhuri, edhe hajduti, agresorët flasin në emër të viktimave, ndërsa të fortët në emër të të dobtit.

Në fjalën e tij gjatë seancës parlamentare, Tahiri theksoi rëndësinë e reformës në drejtësi. Në këtë foltore flet edhe i vjedhuri, edhe hajduti.

?Në këtë foltore ka që flasin në emër të moralit, ka edhe nga ata që kur kanë pasur mundësi ti japin moral vetes në karrigen e pushtetit, vetëm moral nuk kanë pasur.

Në këtë foltore, agresorët flasin në emër të viktimave. Të fortët në emër të të dobtit. Në këtë sallë, nuk ka të vërteta të plota, për të cilat ia vlen ti flasim shqiptarëve.? tha Tahirin në fjalën e tij.

?Reforma në drejtësi, është puna më e mirë që mund të bëjmë kundër kastës, kundër gënjeshtrës, kundër vjedhjes, kundër padrejtësisë, kundër pabarazisë, kundër dënimit të padrejtë por më shumë akoma kundër padrejtësisë të padënuar kurrë.

Prandaj është drejtësia. Edhe unë nuk dua një parlament me njerëz që kanë vrarë e as që kanë vjedhur. Askush nuk do. Askush nga shqiptarët nuk e do. Por unë nuk dua as një parlament ku njerëz që kanë vrarë e kanë vjedhur, nuk janë dënuar kurrë.

Ndaj nuk shqetësohem për ata që do i dënojmë dy herë, por shqetësohem për ata që nuk janë dënuar asnjë herë. Ndaj dekraminalizimi PO, por edhe duhet reforma në drejtësi, PO. Ndaj duhet të mbajmë frymën e të ulim kokën. Ka një shumicë shqipëtarësh atje jashtë, që janë shumica dërrmuese, e që nuk flasin çdo të enjte sic flasim ne, por flasin përditë, për drejtësinë që ua kemi borxh ne këtu. Është reforma në drejtësi që çliron ekonominë, pronat, sipërmarrjen, që mbyt korrrupsionin dhe të korruptuarit, që mbyt edhe gojët e atyre që e përdorin këtë foltore për të mos shkuar te drejtësia. Kështu hajde të flasim më pak, dhe të të bëjmë reformën në drejtësi.?