web counter
LEXO PA REKLAMA!

SHKARKO APP

App Store
Google Play

E fundit!

x

Banka e Shqipërisë rishikon me ulje rritjen ekonomike edhe për 2016

12 Nëntor 2015, 17:03, Aktualitet CNA

Ecuria ende e dobët e ekonomisë dhe e tregjeve financiare evropiane, pasiguria e shfaqur nga agjentët ekonomikë në vend dhe problemet që vazhdojnë të karakterizojnë rritjen e kreditimit, kanë sjellë një rishikim të lehtë për poshtë të ritmeve të rritjes ekonomike për vitin 2016 nga Banka e Shqipërisë.

Banka e Shqipërisë në parashikimet e saj për rritjen ekonomik po qëndron më afër realitetit, ndryshe nga qeveria e cila pret që ekonomi vitin tjetër të rritet në intervalin 3-3.5%.

?Për rrjedhojë, parashikimet tona për kthimin e ekonomisë në ekuilibër dhe të inflacionit në objektiv janë shtyrë lehtësisht në kohë. Në krahasim me parashikimet e tremujorit të kaluar, në vlerësimet e reja, hendeku negativ i prodhimit mbyllet më vonë, si pasojë e pritjeve për një rritje më të ngadaltë ekonomike gjatë gjashtëmujorit të parë të vitit 2016? thuhet në vlerësimit më të fundit të Bankës.

Përmirësimi më i ngadaltë ciklik i ekonomisë vlerësohet të shoqërohet me kthimin e inflacionit në objektiv në fillim të vitit 2018. Në horizontin afatshkurtër të katër tremujorëve të ardhshëm, inflacioni mesatar pritet të luhatet rreth nivelit 2.3%

Zhvillimet më të fundit ekonomike e financiare nuk kanë ndryshuar në mënyrë të ndjeshme kahun, dinamikat dhe intensitetin e zhvillimeve të pritura. Kompozimi i rritjes ekonomike më 2016 pritet të jetë më i balancuar, duke u mbështetur si nga kërkesa e brendshme, ashtu edhe nga ajo e huaj.

Kërkesa e brendshme pritet të përfitojë nga normat e ulëta të interesit, nga përmirësimi i kushteve të financimit, nga reduktimi i pasigurisë dhe nga rritja e prirjes për konsum. Rritja e kërkesës së brendshme private pritet të gjenerojë një aktivitet ekonomik të mjaftueshëm për të absorbuar kapacitetet e pashfrytëzuara të prodhimit, pavarësisht politikës fiskale konsoliduese dhe pasigurive të shumta për rritjen ekonomike në tregjet partnere.

Hendeku negativ i prodhimit parashikohet të mbyllet gradualisht përgjatë vitit në vijim, duke kaluar në kahun pozitiv në fillim të vitit 2017./Monitor





Lajmet e fundit nga