Ja sa kushtuan tre investimet kryesore ne Korçë

4 Nëntor 2015, 13:21, Aktualitet CNA

Qeveria Shqiptare përmes Fondit të Zhvillimit të Rajoneve pranë Ministrisë së Zhvillimit Urban dhe Turizmit, financoi tre projekte të mëdha infrastrukturore në qytetin e Korçës. Më konktetisht, parku ?Rinia?, pazari dhe sheshit para teatrit të qytetit. Këto investime që ndikojnë në mënyrë të drejtpërdrejt në rritjen e numrit të turistëve dhe zhvillimin ekonomik të qytetit, Korça sot eshte një nga qytetet më të bukura në Shqipëri.

Rikonstruksioni i parkut ?Rinia?
Projekti me vlerë 279,950,272 lekë solli rimodelimin e parkut kryesor të qytetit dhe të zonave në funksion të tij, në shërbim të aktiviteteve social-kulturore. ?Rinia? është parku urban më i madh i qytetit, me një sipërfaqe afërsisht 9 ha. Gjendja aktuale e rrugëve të brendshme të parkut, shëtitores, shesheve ishte e degraduar duke krijuar vështirësi në lëvizjen e banorëve. Projekti i zbatuar kishte perfshire prishjen e shtresave ekzistuese të rrugicave, shëtitores, shesheve dhe ndërtimin e shtresave me gurë karakteristikë; ndërtimin e një korsie për biçikleta, të korsisë së vrapimit, të shesheve me shtresë me gurë dhe vendosjen e trungjeve të drurit; ndërtim të këndit sportiv dhe vendosje të veglave gjimnastikore; të këndit të lojërave për fëmijë; rehabilitimin e rezervuarëve të ujit; punime për mbjellje drurësh dekorativë dhe bar; rikonstruksionin e tualeteve dhe shtesa në brendësi të parkut; rikonstruksionin e ndriçimit dhe vendosje stolash. Rimodelimin e shesheve urbane përgjatë parkut dhe përfshirja e një amfiteatri të hapur do të ndikojnë në rigjallërimin edhe të jetës artistike dhe tërheqjen e rreth 50.000 turistëve çdo vit .

Rikonstruksioni dhe rivitalizimi i Pazarit të Vjetër të Korçës

Projekti ?Restaurimi dhe rivitalizimi i Pazarit të Vjetër si një zonë BID ?, për të cilin FZHR ka akorduar fondin prej 260,131,065 lekësh, konsiderohet i një rëndësie të veçantë për gjallërimin e jetës ekonomike të qytetit dhe rajonit, si dhe për zhvillimin e turizmit. Projekti konsiston në ndërhyrje restauruese për 33 blloqe dyqanesh, me sipërfaqe 7 000 m2 . Aty parashikohet kryerja e punimeve për restaurimin e fasadave, elementeve të drurit, elementeve metalike, punimeve përforcuese dhe strukturale, që konsistojnë në restaurimin e elementeve konstruktive të dyqaneve si dhe ato të ndërkateve. Duke konservuar vlera të tilla, rikonstruksioni i plotë i Pazarit do të sjellë prurje vizitorësh dhe turistësh vendas dhe të huaj në qytet.

Rikonstruksioni i sheshit të teatrit ?Andon Z. Cajupi?

Kapi vlerën e 241.914.630 lekëve. Është sheshi urban që prezanton qytetin, me një sipërfaqe 9000 m2, i pozicionuar në pjesën qendrore të tij. Ka një shtrirje jo të rregullt dhe sipas vleresimit paraprak ai paraqiste probleme si në qarkullimin e mjeteve ashtu dhe në atë të këmbësorëve. Projekti i realizuar beri te mundur rikonstruksionin e fasadave dhe unifikimin e kateve përdhe të pallateve, duke i trajtuar me elemente bashkëkohore dhe përmirësues të gjendjes aktuale të tyre, rrugëve dhe hapësirave të gjelbra. Në katet e tjera të objekteve u ndërhy kryesisht me lyerje, riparime në suva dhe rifinitura.