web counter
LEXO PA REKLAMA!

SHKARKO APP

App Store
Google Play

Basha: Drejtorët e Policisë së Korçës dhe Gjirokastrës janë shërbëtorët e krerëve të drogës

4 Nëntor 2015, 12:20, Politikë CNA

Kreu i Partisë Demokratike, Lulzim Basha, denoncoi sot implikimin në trafik droge të dy drejtorëve të policisë në Korçë dhe Gjirokastër, Arianit Arapi dhe Ajet Zyberi.  

Në një deklaratë për mediat, Basha theksoi se lidhjen e dy drejtorëve të policisë, e kanë dokumentuar edhe partnerët.   ?Publikojmë sot fakte , të dokumentuara po kështu nga partnerët, për faktin se dy Drejtorë të tij të policisë në Korçë dhe Gjirokastër janë të implikuar drejtpërdrejt në trafikun e drogës, Arianit Arapi dhe Ajet Zyberi janë dokumentuar përsëri nga partnerët si shërbëtorë të krerëve të trafikut të drogës, si njerëz në dispozicion të biznesmenëve të hashashit?, është shprehur Basha për mediat, duke shtuar se vendi është mbuluar nga droga.

Gjithashtu, Basha tha më tej se vetë ministri Tahiri është kapur duke u justifikuar tek trafikantët. Të gjitha këto sipas kryedemokratit, flasin për një shtet që po qelbet.

?Qelbet shteti i Edi Ramës, por ai është krenar, thotë se kjo është era shtet. A do jetë krenar pas fakteve që publikojmë sot, për faktin se dy drejtorë të policisë së Korçës dhe Gjirokastrës janë të implikuar drejtpërdrejt me trafikun e drogës. Arianit Arapi dhe Ajet Zyberi janë raportuar nga partnerët për lidhje me krerët e trafikut të drogës, biznesmenëve të trafikut të hashashit. Kjo është era e rënies së shtetit në duart e mafias?,- tha Basha.

 





Lajmet e fundit nga