web counter
LEXO PA REKLAMA!

SHKARKO APP

App Store
Google Play

E fundit!

x

Gara per kreun e FRPD/ Oriela Nebiaj: Motoja ime që dua të komunikoj dhe të ushqej

31 Tetor 2015, 11:37, Aktualitet CNA

Ambicia?

Ambicia ime është të bëj bashkë të gjithë ata të rinj, të cilët kanë besuar deri më sot tek FRPD. Që kanë besuar tek energjia dhe zëri i tyre për një qëllim të madh, që është qëllimi i të gjithë ne. Unë dua të krijojmë një sistem vlerash, dhe besimi që të rinjtë të gjejnë veten përtej ngjyrave politike. Në Partinë Demokratike ka vend për të gjithë. E të rinjtë janë liderët e së ardhmes, motoja ime që dua të komunikoj dhe të ushqej. Ata të cilët e kanë këtë ambicie dhe vullnet duhet patjetër, tani, sot të bëhen bashkë e të përfaqësojnë këtë mundësi të artë. Puna reale, dhe jo fjalët janë modeli im.

Nga vjen?

Unë vij nga terreni, ku e kam testuar veten time mjaft me organizimin, menaxhim, komunikim, PR, etj. Kështu mbërrita në këtë ambicie politike duke punuar me përkushtim për t?i bindur ata që nuk besojnë se me punë dhe besim arrihet çdo gjë. Asnjë vlerë nuk mbetet në harresë, asnjë sukses, mjafton të besosh në rrugën e drejtë dhe idealet që ke. Gur, gur bëhet kalaja. Në çdo profesion duhet të jesh i prerë e të marrësh vendime, të cilat ndonjëherë nuk janë të pëlqyeshme nga shumica. Jam e prerë në të mirën e përbashkët për një qëllim të vetëm se duhet të jeni bashkë, të gjithë me besimin se në aktivitete e jo nga kafenetë, mund të ndryshojmë për mirë jetesën e vendit.

Kush je?

Unë jam Ori, ajo vajza që njohin të gjithë që prej ditës së parë të shkollës, e në çdo hap apo shkallë që kam ngjitur. Familja ime strukturoi cilësitë e mia , dhe më mësoi me frymën e punës dhe thjeshtësinë për çdo të mirë në jetën time. Është më mirë kur forca e brendshme duket nëpërmjet karakterit, mendimit e veprave, sesa nëpërmjet pamjes. Pamja për mua është një kontur, por nuk shoh asnjë meritë aty.

FRPD?

Modeli i ri, i liderit që kërkojmë, i atij që i duhet bashkësisë së FRPD-së, është çdo i ri, i cili zgjohet në mëngjes me dëshirën për të bërë diçka, për të punuar, e për të ecur drejt, në ato qëllime që i ka vënë vetes. Në aspirata politike, për të qenë faktor në të ardhmen e vendit, apo në frymëzimin që na duhet të gjithëve për të dhënë më të mirën nga vetja. Kudo e në çdo moment, e kjo patjetër që ka nevojë për besim e frymë. Kusht për kandidimin është dorëheqja nga postet. Domethënë shpallja e kandidimit tim automatikisht më bën të dorëhiqem si zëdhënëse dhe anëtare e kryesisë së PD-së.

Gara?

Gara do te jete e barabarte per te gjithe kandidatet. Ky eshte nje vendim i drejte te cilin une e perqafova menjehere. Struktura e FRPD eshte shume e rendesishme, menyra se si do te zgjedhim te jete modeli i ri i nje kapitulli krejtesisht te ri. Te gjithe ata te cilet jane investuar prej vitesh ne forumin e te rinjve te PD, jane asset shume i vyer per eksperiencat e tyre, per historikun e te gjitha ato problematika te cilat duhet te ndryshohen ne vijim. Programi eshte shume I rendesishem. Alternativat dhe gjithcka do te shkruhet ne program do te perpunohet deri ne perfesksion nga I gjithe grupi I punes qe po punojne krahe meje. Une kam patur komunikim dhe bashkepunim te vazhdueshem me te gjitha strukturat e PD, jo vetem nga baza. Gjate fushates elektorale ky komunikim u intensifikua. Bashkepunimi do te vijoj me te njejten energji dhe besim se te gjithe bashke do te realizojme nje process te drejte zgjedhjesh dhe transparent. Kjo eshte baza e demokracise, zgjedhje te lira.





Lajmet e fundit nga