web counter
LEXO PA REKLAMA!

SHKARKO APP

App Store
Google Play

E fundit!

x

Intervista ekskluzive e Bamir Topit/ “Sa s’kisha marrë tokat, isha i djathtë”

31 Tetor 2015, 11:02, Aktualitet CNA

Bamir Topi: ?Sa s?kisha marrë tokat, isha i djathtë? (Këtë radhë, vendosa të intervistoja zotin Rama. Hyra në Kryeministri dhe trokita në derën e tij. Nga brenda, dikush foli:) ? Hyyyyyr! Uuuueeee Kasua! Hajd Kaso, hajd, se ke ardh si me porosi. Të dashka vjehrra, siç duket.

? Më tha Bamir Topi, i cili po hante fërgesë e po pinte raki.

? Nuk ndodhet këtu zoti Rama?

? Jo, doli të çonte në banjë breshkat dhe vjen shpejt. Përse e doje, Kaso?

? T?i merrja një intervistë. Meqë ai nuk qenka, po ja u marr ju, zoti Topi.

? Më merr sa intervista të duash. Dhe na, merre këtë (më afroi një lugë fërgesë tironse)

? Nuk e ha fërgesën zoti Topi. Po pate ndonjë copë mish të pjekur, e ekzekutoj në vend, si lab që jam?

? Copë mishi duam të gjithë Kaso, ndaj edhe erdha këtu në Kryeministri. Për një copë. Po kush të jep, thuaj!

? Hë, se do marrësh ndonjë gjë edhe ti pas zgjedhjeve vendore, po hë?

? Të lumtë goja, Kaso! ( E ndërsa po hante, hodhi një vështrim në pasqyrë dhe më pyeti):

? A mendon ti Kaso, se më ka dalë boja?

? Përse!? – Që si i djathtë që je, bëre koalicion me Ramën?! Po mos e vrit mendjen fare, o derman!

? Jo o Kaso, jo! Nuk kam hall se më del boja politikisht mua, mër jo, se këtu politika përzierje bojërash është. Se mos jam i vetmi unë! Të pyeta: A mendon se më ka dalë boja këtu te këto qimet e flokëve afër veshit? Se i leva mbrëmë dreqin, por s?paskan marrë mirë.

? Mua top fare më duken, zoti Topi. Pastaj, mos u shqetëso! Zotit Rama i janë zbardhur flokët fare dhe s?e ka problem.

? E kam zakon nga doktor Berisha dhe Fatmir Mediu. ?Flokët duhen lyer?, më thoshin kur ishim bashkë. Nejse Kaso, ke ndonjë pyetje, sa pa ardhur zoti Rama?

? Zoti Topi! Përse nuk u bashkuat këtë radhë me PD-në?

? Unë me PD-në!? Kurrën e kurrës, Kaso! Atë që më bëri mua Saliu?

? Ju bëri President?

? President më bëri Nanoja mua, në fakt, por muhabetin ta kisha, që më bëri atë që s?më bëri kryetar të PD-së?

? Pretendoje të bëheshe kryetar, zoti Topi?

? Sigurisht, Kaso! Cili tjetër mund t?i hypte kalit pasi i zbriti Sala?

? Mbase keni të drejtë?

? Sigurisht që kam të drejtë, Kaso. Atij kali më takonte mua t?i hypja. Unë jam me profesion veteriner-zooteknik dhe e di si i hypet kalit, si trajtohet kali kur është i sëmurë dhe si ushqehet. Që, edhe të mos fryhet shumë, por njëkohësisht, të mos mbetet kockë e lëkurë. Më kupton, Kaso?

? Kuptova zoti Topi! Po tani, dini si ta trajtoni një kalë? U bënë vite që s?e ushtron më veterinarinë?

? Kaso, ti e di që zoti Gazmend Oketa ka qenë Ministër i Mbrojtjes. Kur ishte në ministri ai, shkoja përherë e bëja stërvitje për hypje kali. Në një nga këto stërvitje e hëngra unë, Kaso.

? Si e hëngret? Rate nga kali?

? Më keq akoma, Kaso! Kur po bëja stërvitje me kalë, dikush më dëgjoi që po i thosha Gazmend Oketës: ?Ho Gazo, si dukem në moj të kalit mer plak??. Ai që dëgjoi, shkoi i tha Saliut.

? Ç?i tha?

? I tha që Bamiri po bënte stërvitje si t?i hypte kalit tënd dhe tha që Saliu është plak. Që atëherë, Saliu sa më shikonte, mendonte kalin.

? Kuptoj, zoti Topi! T’ju pyes: Përse nuk dolët me një kandidat të pavarur në zgjedhje, por bëtë koalicion me të majtën?

? A mo Kaso që mbete carac, mbete! Po unë tashmë jam i majtë.

? Si je i majtë, zoti Topi!? Unë forcën tuaj e di të djathtë?

? Unë i djathtë isha, sa mora tokat. Ke parë ndonjë ish-pronar tjetër t?i të ketë marrë tokat? Jam i veçantë unë, Kaso. I boj gjonat nën rrogoz.

? Jeni zoti Topi, jeni?

? Pra, kështu, o Kaso. Sa s?kisha marrë tokat, isha i djathtë. Që PD-ja të më jepte tokat. Tani jam i majtë. Kuptove Kaso? Edhe po s?kuptove, ik tani se kam ca muhabete pune me zotin Rama. Tujtjeta Kaso!/Shkroi: Helidon Tahiraj





Lajmet e fundit nga