web counter
LEXO PA REKLAMA!

SHKARKO APP

App Store
Google Play

Tenderi i Spitallës, fitojnë dy kompani të dyshimta

30 Tetor 2015, 17:10, Aktualitet CNA

News 24 ka zbuluar sot kompanitë që kanë fituar dje tenderin për Zonën Ekonomike të Spitallës. Fituesit janë dy kompani të vogla kineze, të bashkuara.

Gazetari Artur Çani ka paraqitur dosjen e plotë për tenderin e zonës Ekonomike të Spitallës, i cilësuar si i dyshimtë, pasi është fituar nga dy kompani të vogla kineze, ?Zhejiang Haiteng Investment Co., Ltd? dhe ?Bejing Dongrun Tongbao Technology Co.Ltd?, oferta e të cilëve parashikon një vlerë investimi në shumën e 1.5 miliardë euro.

Ajo që mësohet është se këto kompani nuk kanë asnjë aktivitet ekonomik jashtë Kinës. Një nga kompanitë mirëmban azile në një provincë të Kinës, ndërsa kompania tjetër merret me prodhime farmaceutike.

Gazetari Artur Çani sqaroi se ?Kemi dy firma, një konsorcium formash kineze që do të investojnë 1.5 mld dollarë. Ka shumë pak firma që kanë mundësi të investojnë 1.5 mld dollarë. Firmat kineze, kanë një kapital të dyja bashkë që nuk i kalon 3 milion eurot. Njëra ka patur një aktivitet të vogël farmaceutikësh dhe tjetra është marrë me azilet e pleqve. Shifrat më duken shumë qesharake. Këtu vjen një erë e keqe?, tha Cani.

Garancia e dhënë nga konsorciumi nuk është as 10% ose 150 mln euro. Për investimin e 1.5 miliardë euro është dhënë garanci vetëm 100 mijë euro.

?Ahmetaj tha Komisioni po punon seriozisht, kur ai s?ka 10 orë që ka marrë ofertat. Të thuash që kemi garanci bankare 150 milionë lekë të vjetra është qesharake. Me 100 mijë euro të japësh garanci nuk është as 1 e mijta e shumës që do investohet. Që këtu merr përmasa qesharake dhe komisioni s?ka pse të punojë seriozisht. Se që të dyja firmat kineze nuk e bëjnë dot këtë punë në Shqipëri. Kishin të drejtë ata që thoshin se për 60 ditë nuk bëhet dot një projekt i tillë. Këtu mua më vjen pak erë e keqe. A do ta besojnë shqiptarët këtë??, deklaroi gazetari Çani.

Mësohet gjithashtu se në garë ka qenë edhe një kompani italiane e skualifikuar automatikisht, pasi nuk ka paguar garancinë ligjore. Bëhet fjalë për kompaninë ?Rendur 4?./BalkanWeb

 





Lajmet e fundit nga