web counter
LEXO PA REKLAMA!

SHKARKO APP

App Store
Google Play

Banka Botërore: Shqipëria ka dështuar me taksat / Në rajon, vetëm Bosnja më keq se ne

30 Tetor 2015, 14:42, Aktualitet CNA

Banka Botërore ka bërë raportin për vendet e të gjithë botës në pagimin e taksave.

Sipas BB-së, Shqipëria renditet në vendin e 142 ndër 189 vende të botës për nga vështirësia në pagesën e taksave.

Nëse krahasohet me ekonomitë e ngjashme të rajonit, rezulton të ketë sistemin e dytë më të vështirë duke lënë pas vetëm Bosnjen.

Banka Botërore vëren se kjo renditje negative është rezultat i numrit të lartë të pagesave, kohës që kërkohet, por edhe barrës tatimore.

Në raportin e fundit ?Doing Bussines?, banka thotë se një biznes në Shqipëri duhet të bëjë 34 pagesa në vit për taksat dhe të harxhojë plotë 357 orë për mbylljen e tyre.

Treguesi i pagesës së taksave u përkeqësua edhe nga rritja e shkallës tatimore.

Në raport Banka Botërore vëren se Shqipëria e bëri pagesën e taksave më të kushtueshme për kompanitë për shkak të rritjes së tatimit mbi fitimin. Sipas saj, nëse vjet një biznesi në Shqipëri i duhej të paguante në shtet mesatarisht 31.4 për qind të fitimit total në formën e taksave, këtë vit shuma u rrit në 36.5 për qind.

Në rajon kjo është norma më e lartë, përveç Greqisë, ku ndërmarrjet paguajnë si taksa mesatarisht 49 për qind të fitimit. Në ekonomitë e tjera fqinje, barra e taksave luhatet nga 12.9 deri në 23.3 për qind.





Lajmet e fundit nga