web counter
LEXO PA REKLAMA!

SHKARKO APP

App Store
Google Play

Turqia intensifikon luftën kundër terrorizmit në afrim të zgjedhjeve legjislative

27 Tetor 2015, 12:25, Kosova & Bota CNA

Qeveria turke intensifikoi luftën kundër terrorizmit pesë ditë nga zgjedhjet legjislative vendimtare për të ardhmen e saj duke rritur operacionet kundër militantëve të grupit të Shtetit Islamik dhe duke goditur luftëtarët kurdë në Siri.

?Sot në agim, policia antiterroriste turke ndërmori një operacion në disa distrikte të qytetit të Konias dhe arrestoi 30 xhihadistë të dyshuar?, njoftoi media turke.

?Gjatë dy operacioneve të tjera të ngjashme, forcat e sigurisë arrestuan 21 të dyshuar të tjerë në Stamboll dhe 20 në Kocaeli (veriperëndim)?, theksoi agjencia e lajmeve Dogan.

Dje, dy policë dhe nëntë anëtarë të dyshuar të Shtetit Islamik u vranë gjatë një shkëmbimi zjarri në Diyarbakir, qytet kryesor në juglindje të Turqisë me maxhorancë kurde.

Shefi i shtabit të përgjithshëm të ushtrisë njoftoi sot se kishte arrestuar 17 persona të dyshuar si bashkëpunëtorë të afërt të Shtetit Islamik që po përpiqeshin të kalonin në mënyrë të paligjshme kufirin pranë Elbeyli (jug) për të shkuar në një zonë të Sirisë të mbajtur nga xhihadistët.

Që prej disa ditësh, policia turke ka intensifikuar operacionet kundër lëvizjes xhihadiste në afrim të zgjedhjeve legjislative që do të zhvillohen të dielën nën tension të lartë, pas atentatit kamikaz atribuar xhihadistëve që shkaktoi 102 të vdekur më 10 tetor në Ankara dhe në sfondin e rifillimit të luftimeve mes forcave turke të sigurisë dhe rebelëve kurdë.

Presidenti islamo-konservator, Recep Tayyip Erdogan dhe kryeministri në ikje, Ahmet Davutoglu po bëjnë fushatë për zgjedhjet e 1 nëntorit duke luajtur me kartën e sigurisë dhe unitetit të vendit me mënyrën ?ne ose kaosin?.

Dje, presidenti premtoi vazhdimin e luftës kundër organizatave terroriste që kërcënojnë Turqinë, si Shteti Islamik apo rebelët e Partisë së Punëtorëve të Kurdistanit apo të ekstremit të majtë.





Lajmet e fundit nga