web counter
LEXO PA REKLAMA!

SHKARKO APP

App Store
Google Play

Alfred Peza kritika qeverise/Shëndetësia ka dështuar

24 Tetor 2015, 13:53, Aktualitet CNA

Deputeti socialist Alfed Peza e ka pranuar se shëndetësia është një ndër sektorët më të rëndësishëm që nuk po ecën si duhet.

Në një intervistë për ?Mapon? Peza tha se gjendja në sistemin shëndetësor është shumë larg premtimeve të fushatës.

Ai gjykon se ritmet e zhvillimit të vendit dhe standardi i shërbimit në shëndetësi, nuk shkojnë gjithnjë në përpjesëtim të drejtë me njëri-tjetrin.

?Reformat në sistemin shëndetësor janë dhimbje koke për çdo qeveri në botë, nga vendet më të varfra e deri tek ato më të zhvilluarat. Sepse kemi të bëjmë me një sektor jetik për qytetarët, ku ritmet e zhvillimit të vendit dhe standardi i shërbimit nuk shkojnë gjithnjë në përpjesëtim të drejtë me njëri-tjetrin. Sado që qeveria jonë të ketë bërë apo të bëjë për shëndetësinë, edhe për ca vite të tjera, për shkak të problemeve të trashëguara, do t?i jemi përsëri borxh qytetarëve. Përsa i përket mjekëve, gjykoj se ata janë pjesë edhe e problemit, edhe e zgjidhjes së saj. Nuk kam shumë njohuri specifike për sektorin dhe nuk do të doja të bëja ?Dinshumin?. Por, një gjë është e sigurt, që shëndetësia do të mbetet një nga 3-4 sfidat kryesore të çdo mazhorance e qeverie që do të vijë në Shqipëri në dekadat e ardhshme?, tha Peza.

Sakaq, ai është munduar ta shpjegojë me një karahasim vlerësimin e tij për qeverinë dhe sesi duhet ta shohin shqiptarët koalicionin Rama-Meta.

?Ashtu si diellin kur e sheh me teleskop, arrin të dallosh ca njolla të errëta, edhe qeverinë e koalicionit tonë, sado mirë të punojë, teleskopi i opinionit patjetër që do gjejë gjëra për të kritikuar.

Si edhe dielli atje lart në qiell, e rëndësishme është që qeveria këtu në Tiranë të mos ndalet për asnjë çast së punuari për të ngrohur sa më mirë interesat e qytetarëve të vet?, deklaron Peza.





Lajmet e fundit nga