web counter
LEXO PA REKLAMA!

SHKARKO APP

App Store
Google Play

Gjiknuri: PD bëri privatizimin për arsye korruptive

8 Tetor 2015, 09:37, Aktualitet CNA

Ministri i Energjisë dhe Industrisë, Damian Gjiknuri ka akuzuar ish-qeverinë e Sali Berishës për neglizhencë në marrëdhëniet me CEZ Shpërndarje.

Sipas tij, privatizimi i OSSH-së në 2009 është bërë për arsye korruptive me qëllim dorëzimin e aplikimit për statusin kandidat.

Fjala e mbajtur në parlament:

?Nisi me privatizim të vitit 2009 që hapi siparin e dështimeve, privatizim për arsye korruptive me qëllim dorëzimin e aplikimit për statusin kandidat, përkundër deklarimit të figurave qëndrore të BE-së. Në seancën e fundit Berisha i mohoi këto akuza. Por cfarë thotë deklarata zyrtare? Më 29 mars 2009, Olli Rehn: Aplikoni kur të jeni me vërte gati dhe mos e bëni vetëm për veprim politik. Prandaj këshilla ime është mos e konsideroni para zgjedhjeve parlamentare, pasi do të jetë test kritik për stabilitetin politik?, deklaroi ministri i Energjisë dhe Industrisë. Përzënia e tyre është bërë me bekimin e Bankës Botërore, është gënjeshtër e madhe. Nuk ka asnjë dokument, ku Banka Botërore të thotë të hiqet licenca dhe të përzihet kompania. Aq e nxituar ishte kjo masë, sa administratori kishte kompetenca të kufizuara, por filloi të sillej si pronar. Fitimi i çëshjtes në arbitrazh. E vërteta është ndryshe. Qeveria Berisha nuk depozitoi asnjë padi në arbitrazh, nuk bëri asgjë për të mbrojtur interesat e Shqipërisë siç deklaron. CEZ duke e konsideruar të padrejtë vendimin e ERE, paditi e para Shqipërinë më 15 maj 2013, në gjykatën e arbitrazhit. Ndërkohë nga ana e autoriteteve shqiptare nuk u ndërmorr asnjë veprim të sugjeruar edhe nga konsulenti ligjor. Mosveprimi në kohë nga ana e palës shqiptare dëmtoi pozitën e shtetit shqiptar dhe interesat ekonomike. Vlerësimi teknik dhe financiar do të ishte baza themelore e cila do të mund të paraqitej në një arbitrazh. Padia nuk u bë dhe këto masa nuk u morrën gjatë gjithë vitit 2013. Megjithëse doli vendimi i qeverisë në hskurt 2013, vetëm në fund të atij viti nga kjo qeveri u bë e mundur marrja e ekspertëve?, tha Gjiknuri.

Vijon?





08:47 Aktualitet

Nis seance plenare

Kreu i Kuvendit, Ilir Meta ka nisur seancën plenare ditën e ...

Lajmet e fundit nga