web counter
LEXO PA REKLAMA!

SHKARKO APP

App Store
Google Play

Ja çfarë i tha Genc Ruli-Lulzim Bashës sot në grupin parlamentar

7 Tetor 2015, 17:36, Aktualitet CNA

Shkak për këtë janë bërë akuzat e disa krerëve të PD-së në rrethe, të cilët po sulmojnë ish-ministrat dhe deputetët e vjetër të PD-së.

Rulli e ka konsideruar të papranueshme heshtjen e Bashës ndaj këtyre sulmeve.

Burime të gazetës TemA thonë se Ruli ka thënë se në PD nuk ka ndodhur kurrë ku secili të flaës sipas qejfit dhe pa përgjegjësi, dhe kryetari i partisë të mos mbajë qendrim.

Ai ka aluduar se sulmet ndaj tyre mbështeten nga Basha, për faktin se ai nuk ka bërë asnjë reagim.

?Në se do të na bindësh se sulmet e këtyre individëve ndaj nesh nuk janë mbështetur prej jush, atëherë pse hesht dhe nuk reagon ndaj tyre?

Në PD nuk ka ndodhur asnjëherë të drejtohen sulme të tilla dhe kryetari të qëndrojë indiferent.

Nuk ka ndodhur asnjëherë që PD të shfaqet kështu në këtë formë pa një qëndrushmëri politike ku secili flet si i do qefi pa pikë përgjegjësie. 

Ç?është kjo indiferencë e juaja?

Është pa logjikë ndarja në politikanë të vjetër dhe të rinj. 

Në politikë nuk ka të vjetër e të rinj sepse politika nuk ka moshë.

?Nje tokë që nuk mban pemën e vjetër, nuk mban dot as pemën e re vecse shkurre e bar?, ka thënë Ruli.

Më pas ai është larguar i nervozuar nga mbledhja e grupit parlamentar të PD-së.





Lajmet e fundit nga