E fundit!

19:20 Politikë

Situata në Banjat termale të Bënjës/ Reagon Rama: Tjetër “raketë” digjitale për manipulim

Kryeministri Edi Rama ka reaguar pak minuta më parë lidhur...

Veseli viziton “Trepçën”. Kërkohet rivitalizimi i kombinatit

2 Tetor 2015, 15:04, Kosova & Bota CNA

Kryetari i Kuvendit të Kosovës, Kadri Veseli ka zhvilluar këtë të premte një vizitë në ndërmarrjen ?Trepça?, gjatë së cilës ka takuar stafin menaxherial dhe punëtorët e saj.

Veseli, gjatë takimit me drejtorin e ?Trepçës?, Ahmet Tmavën, por edhe drejtuesit e tjerë të lartë, u interesua për gjendjen aktuale të këtij gjiganti industrial, kushtet e punës, si dhe kapacitetet prodhuese të saj.

Në takim u fol rreth strategjisë së re për ?Trepçën?, e cila do të mundësojë rivitalizimin e kombinatit. Në këtë aspekt u tha se, duhet përshpejtuar dinamika e hartimit të kësaj strategjie, që të dilet nga situata aktuale e gjigantit metalurgjik.

Kryetari Veseli theksoi se, stafi menaxherial dhe përfaqësuesit e punëtorëve duhet të jenë pjesë e hartimit të strategjisë. Duhen krijuar kushtet, që deri në krijimin e statusit final për ?Trepçën?, puna të vijojë pa ndërprerje – theksoi kryetari Veseli, – duke vënë në pah pasurinë e madhe, të cilën disponojmë këtu si shtet. Duhet gjetur gjithashtu, sa më shpejt, mënyra për konkretizimin në vlerë për qytetarët tanë?.

?Trepça ka qenë në të kaluaren pjesë e krenarisë sonë, por sot duhet të bëjmë më shumë, të gjithë ne së bashku, në mënyrë që Kosova të përfitojë nga këto burime të jashtëzakonshme?, theksoi kryteari i Kuvendit, Kadri Veseli.

Më tej, ai theksoi se ?Trepça? do të jetë forcë shtytëse e zhvillimit të Kosovës dhe përmirësimit të bilancit të saj tregtar. Veseli deklaroi gjithashtu se Kuvendi i Kosovës do të bashkëpunojë ngushtë me Qeverinë dhe faktorët e tjerë përkatës për përmirësimin e gjendjes aktuale në këtë kombinat.

Në takim u diskutua nevoja e përzgjedhjes së bordit të AKP-së, i cili i hap rrugë zhvillimit, sidomos komercializimit të mbetjeve industriale.

Në takim u fol edhe për nevojën e të bërit sa më shpejt të përcaktimit të statusit të kombinatit, mënyrat më të mira për rivitalizimin eventual të ?Trepçës?, duke marrë parasysh partneritetin publik-privat, por edhe privatizimin e njësive që nuk janë aktivizuar deri më tani.