E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Siri, Rusia shënjestron kampet e rebelëve të stërvitur nga CIA

1 Tetor 2015, 16:20, Kosova & Bota CNA

Rusia nuk ka aspak ndërmend t?iu bashkohet sulmeve ajrore të koalicionit të udhëhequr nga Shtetet e Bashkuara në luftën kundër militantëve të Shtetit Islamik në Siri, nëse vazhdohet me formën aktuale të organizimit. Kështu ka njoftuar agjencia ruse e lajmeve, ?RIA Novosti?, gjatë së enjtes, duke cituar një zyrtar të Ministrisë së Jashtme ruse.

Kjo ministri duket se ka vendosur të marrë në konsideratë edhe çdo lloj kërkese nga qeveria irakiane për të ndërmarrë sulme ajrore kundër xhihadistëve të ISIS edhe brenda kufijve të Irakut, por deri më tani pala ruse nuk ka marrë asnjë kërkesë të tillë.

Por, duke cituar sërish burime nga Ministria e Jashtme ruse, ?RIA Novosti? bën të ditur se dikasteri në fjalë do të vlerësojë çdo mundësi ?politike e ushtarake? të një lëvizjeje të tillë, nëse do t?u bëhej ndonjë kërkesë.

Në anën tjetër, sa u përket sulmeve ajrore të nisura ditët e fundit në Siri nga Rusia, shënjestrat e fundit duken se kanë qenë kampet stërvitore të grupeve rebele, që kanë marrë trajnime ushtarake nga Agjencia Qendrore e Inteligjencës (CIA) në Katar dhe Arabinë Saudite. Lajmi konfirmohet nga komandanti më i lartë i grupit të rebelëve, që lufton prej vitesh ndaj forcave të Presidentit Bashar al-Assad.

Hassan Haj Ali, kreu i grupit rebel Liëa Suqour al-Jabal, tha për ?Reuters? se kampi i ngritur në provincën e Idlibit është goditur nga të paktën 20 raketa prej dy fluturimeve të ndryshme. Ai shtoi se, një kapiten i ushtrisë siriane që dezertoi pas trazirave kundër Presidentit Bashar al-Assad, tha se disa prej rojeve të kampit u plagosën gjatë sulmit, por nuk u rrezikohet jeta.

?Rusia është duke sfiduar këdo, duke theksuar se nuk ka alternativë tjetër veç Bashar al-Assadit?, tha Haj Ali, i cili shtoi më tej se avionët rusë janë identifikuar nga anëtarë të grupit të tij, të cilët dikur kanë shërbyer si pilotë të forcave ajrore siriane.

Grupi i tij e konsideron veten si pjesë të ?Ushtrisë së Lirë Siriane?, që u krijua nga dezertorë të ushtrisë siriane pas nisjes së trazirave. Në fakt, ditët e sotme, ky grupim është një aleancë e lirë e grupeve të rebelëve pa një komandë qendrore dhe pa struktura kontrolluese.

Ndërkaq, senatori amerikan John McCain tha të enjten se sulmet e para ajrore të Rusisë në Siri kanë shënjestruar rekrutë të grupit rebel ?Ushtria e Lirë Siriane? të mbështetur nga Shtetet e Bashkuara. Grupet në fjalë duket se janë eklipsuar së tepërmi në Siri, për shkak të rritjes së papritur të xhihadistëve të Shtetit Islamik apo të Frontit al-Nusra, degë e al-Qaedas.