E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Tregu i drogës/700 milionë euro vlera e hashashit në sezon

26 Shtator 2015, 07:31, Aktualitet CNA

Shprehja e famshme ?të korra të mbara? asnjëherë më parë nuk ka pasur një kuptim kaq të plotë. Teksa treguesit e zymtë ekonomikë, gropa që sa vjen e thellohet në buxhet dhe shpartallimi i gjithanshëm i doganave, rrëzojnë propagandën e madhe qeveritare për rimëkëmbjen e ekonomisë shqiptare, e kundërta po ndodh me biznesin e paligjshëm të drogës.

Një vit pas aksionit më masiv dhe të rrezikshëm policor për shembjen e Republikës së Hashashit në Lazarat, tregu i drogës në Shqipëri është tejet aktiv po lulëzon si asnjëherë më parë. Ky realitet konfirmohet në mënyrë të shumëfishtë nga prokurorët italianë, nga Parlamenti Italian, policia italiane, autoritetet greke, raportet e Perëndimit, raportet sekrete të autoriteteve të huaja, raportet e shërbimeve, nga rrjedhjet e botës së krimit etj.

Vlera e hashashit e trafikuar vetëm në disa javë, pra e hedhur në tregun rajonal dhe ndërkombëtar, është e barabartë me gati sa ¼ e buxhetit të shtetit shqiptar. Ndërsa ministri i Brendshëm, për t?i bërë më të besueshme statistikat imagjinare, merr edhe ambasadorët e huaj në konferenca kur i prezanton shifrat, realiteti është ndryshe. Ekspertët mendojnë se vlera e drogës së trafikuar nga Shqipëria drejt Italisë dhe Greqisë kap një vlerë prej 700 milionë euro. Bëhet fjalë vetëm për bimët e ndaluara të trafikuara vetëm muajt e fundit. Por, ndryshe nga Lazarati, tashmë kjo ekonomi e paligjshme dhe kriminale, komandohet nga persona të veshur me pushtet, si kundër ka rrëfyer edhe ish-shefi i antidrogës. Çmimi i hashashit dhe i nënprodukteve të tij tashmë diktohet dhe kontrollohet nga elitat në pushtet.

Ky treg kriminal, ndonëse i nëndheshëm, duket se është rregulluar dhe funksionon më mirë se çdo veprimtari tjetër ekonomike. Ekspertët kanë arritur në përfundimin se vlera e hashashit që ka dalë jashtë kufijve të Shqipërisë gjatë këtij sezoni, kap një shifër prej 700 milionë euro. Kjo shumë është një pushtet i madh në duart e kapove të trafikut, me të cilin ndikojnë në shoqërinë shqiptare. Përpos investimit në pasuri të paluajtshme, paratë përdoren edhe për thyerjen e hallkave të shtetit, rekrutimin e zyrtarëve të lartë, kapjen e policisë, për eliminime etj.