E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

VV:18 mijë qytetarë nënshkruajnë peticionin kundër Asociacionit dhe Demarkacionit

19 Shtator 2015, 12:34, Kosova & Bota CNA

Afër 18 mijë qytetarë kanë nënshkruar peticionin e organizuar nga partitë opozitare kundër ?Zajednicës? dhe demarkacionit të kufirit me Malin e Zi

Edhe gjatë ditës së sotme, ndonëse ditë vikendi, në 10 tendat e vendosura në Prishtinë, shihen shumë qytetarë të interesuar për të nënshkruar këtë peticion.

Qytetarët shprehen të revoltuar me marrëveshjet e fundit, të cilat janë bërë mes Qeverisë së Kosovës dhe asaj të Serbisë. Sipas tyre, nuk falet toka për të cilën kanë derdhur gjak shumë shqiptarë.

Nga partia opozitare më e madhe në vend, Vetëvendosje, thonë se kjo është një nga mënyrat për t?i treguar Qeverisë se populli i Kosovës nuk e do ?Zajednicën?.

Nol Nushi, aktivist i kësaj partie, tha për KosovaPress se interesimi nga ana qytetarëve është jashtëzakonisht i madh dhe po rritet gradualisht. Sipas tij, ky peticion do të zgjasë 10 ditë deri në dy javë, varësisht se çka ndodhë me situatën politike në vend.

?Dje interesimi ka qenë jashtëzakonisht i madh. Në fund të ditës janë dalë 17 mijë e 432 nënshkrime, të cilat ne i kemi nëpër zyrat tona, pa i llogaritur edhe ato, të cilat shumë persona kanë marrë lista me vete, për t?i mbush nëpër shtëpitë, lagjet e tyre dhe akoma nuk i kemi marrë. Interesimi ka qenë shumë i madh, por duke e ditur që është dita e parë, ne tashmë e kemi një praktikë të organizimit dhe besoj që ditëve tjera do të rritet dhe do mbërrijë shifra shumë më të mëdha. Sot është ditë pushimi. Kemi filluar pak më vonë se dje, por siç po e shini edhe vet, njerëzit nuk hezitojnë me nënshkruar. Unë besoj që peticioni do të zgjasë 10 ditë deri në dy javë, varësisht edhe çka ndodhë në situatën politike, sepse kemi parë që skena politike po bëhet e befasishme dita e ditës dhe varësisht çka ndodh do e shohim edhe ne vazhdimin e peticionit, por mendoj se me këtë ritëm afërsisht 20 mijë, qindra mijërat nuk janë problem?ne e kemi parë qe kemi një qeveri arrogante. Pavarësisht asaj a e merr qeveria parasysh a jo, kjo është vetëm një ndër mënyrat se si qeveria duhet ta kuptojë se populli nuk e do Zajednicën dhe demarkacionin me Malin e Zi?, tha Nushi.

Qytetari Ramadan Jashanica, i cili e nënshkroi peticionin, tha se Kosovës po i bëhen shumë padrejtësi. Sipas tij, të gjithë qytetarët duhet të bashkohen dhe ta luftojnë këtë marrëveshje, e cila e merr tokën e Kosovës.

?Nënshkruaj shkaku i padrejtësive, të cilat po na bëhen në vendin tonë, në atdheun tonë. Duhet me u marrë parasysh, duhet të bëhemi të gjithë bashkë dhe të jemi të vendosur. Duhet me qenë me Allahun, me u bashku edhe mos të ia lëmë asnjë pëllëmbë askujt. As nuk duam t?i marrim dikujt, as të iu japim tonën. Boll na kanë uzurpuar, na kanë marrë krejt Mali i Zi, Ulqini ku është krejt e Kosovës është… Krejt na kanë uzurpuar vendin, e sot me na marrë vendin tonë. Ne nuk ia lëmë askujt. Ne duhet të jemi të vendosur bashkë dhe mos t?ia japim askujt. As të huajën nuk e duam, as tonën nuk ua japim. Duhet të jemi të bindur të gjithë të bashkohemi, të mos bëjmë parti se partia është grindje ndërmjet vete?, tha Jashanica.

Të njëjtin mendim ndante edhe qytetari tjetër, Musa Bajraktari. Sipas tij, kryesore është fakti që është luftuar për ato toka, të cilat sot po ua falim serbëve.

?Arsyet janë të shumta. Së pari arsyeja më e madhe e imja, ka qenë sepse mixha im, Kurt Bajraktari, një luftëtar që e ka tha pushkën në 1919, për t?i mbrojtur ata kufij që tash ua fali Meha këtyre serbëve. I dyti është sepse malazezët kanë marrë pjesë në masakrën e Kosovës, njësoj sikurse serbët që kanë marrë pjesë në masakrën tonë. Do me thënë kanë qenë ushtarë të Serbisë. Tash ne po i shpërblejmë me tokat tona. I dyti është se ne kundërshtonim vitet 89-90 kundër segregacionit të shkollave që bënte Serbia atëherë, e tash segregacionin po e bëjnë këta tanët, që do të thotë po e përsërisim. Me fjalë tjera, atë që nuk ka mundur Millosheviqi me luftë me e bë, tash po ua japim ne falas?, tha Bajraktari.

Ejup Konica thotë se sipas të Drejtës Ndërkombëtare, Qeveria duhet ta marrë parasysh këtë peticion.
?Jam kundër përmbajtjes së asaj çka parasheh asociacioni i bashkësisë së komunave serbe. Mos të mendoja se është e padrejtë nuk do e vendosja nënshkrimin e peticionit. Nuk jam subjekt juridik i cili vendos për këtë çështje por ish dashtë sipas të drejtës ndërkombëtare të merret parasysh?, tha Konica.

Partitë opozitare kërkojnë nga qytetarët që të dalin sa më shumë ta nënshkruajnë këtë peticion. Sipas tyre, duhet të ndalet kjo e keqe që po i bëhet shtetit të Kosovës. /express/