Analiza/Pse Rama po kërkon të largojë OSBE-në?

19 Shtator 2015, 11:24, Aktualitet CNA

Ashtu sikurse ndodh rëndom fillimisht nisi një fushatë mediatike. Pjesa më e madhe e analistëve të majtë filluan diskreditimin e OSBE-së pas raportit të saj konfidencial. Më pas gazeta e Koço Kokëdhimës ?Shekulli? u hap me titull të madh: ?OSBE të largohet nga Shqipëria?. Me sa duket gjithçka paska qenë e orkestruar dhe qeveria shqiptare po përgatitet me të vërtetë t?i shpallë luftë organizatës për siguri dhe bashkëpunim. Shtypi ka zbuluar sot një letër të firmosur nga Sekretari i Përgjithshëm në Ministrinë e JashtmeQirjako Qirko që u drejtohet të gjithë ministrive, duke u kërkuar që të dorëzojnë projektet që kanë me OSBE, pasi roli i saj po bëhet gjithmonë e më pak i nevojshëm.

?Zhvillimet pozitive të demokracisë shqiptare, rritja e rolit dhe profilit të Shqipërisë në rajon dhe më gjerë, anëtarësimi në NATo dhe marrja e statusit të vendit kandidat në BE, kanë sjellë një ndryshim rrënjësor në marrëdhëniet tona me OSBE-në. Në këtë këndvështrim, zhvillimet në Shqipëri do të justifikonin ndryshimin e mandatit të OSBE në vendin tonë dhe tkurrjen e saj në disa fusha përparësore? shkruhet në letër.

Por kjo ?tkurje? nuk është as e planifikuar as strategjike. Ajo vjen pas dy ngjarjesh të ditëve të fundit. Së pari, qe botimi i raportit konfidencial të OSBE-së të zbuluar nga LAPSI.AL ku Rama akuzohej se kish fshehur një pasuri prej 200 milionë eurosh në ShBA dhe Meta për dy vrasje.

Por historia nuk mbaron këtu. Edhe në Vjenë ku ambasadori Rauning mbajti Raportin për prezencën e kësaj organizate për vitin 2014 në Shqipëri ai qe tejet kritik. ?Çështjen e dekriminalizimit të parlamentit dhe strukturave në të dy nivelet, si në qeverisjen qendrore dhe lokale është më e gjerë se këto raste të veçanta, ngaqë, ka pretendime të besueshme se zyrtarë të lartë (si në të kaluarën dhe në të tashmen) janë përfshirë në sjellje jo të përshtatshme për pozitat e tyre? u shpreh ai. Madje në sintoni me raportin konfidencial të botuar pak ditë më parë në Tiranë ai do të arrinte në konkluzionin: ?Shqipëria ende nuk ka mundur të krijojë njëbilanc të ndjekjes apo dënimit të elitave politike dhe ekonomike, veçanërisht lidhur me pasurimin e paligjshëm, korrupsionin dhe krimin e organizuar?.

Pikërisht ky përfundim që konfirmonte edhe shqetësimet e raportit konfidencial ka ngritur gjakrat keq në Tiranë. Sipas të gjitha gjasave Rama ka urdhëruar ministrinë e jashtme të fillojë procedurat për ?tkurjen? e misionit të OSBE-së në, ashtu sikurse del edhe nga letra e zbuluar sot.

Sekretari i Përgjithshëm në MPJ, Qirjako Qirko u kërkon ministrive të dorëzojnë të gjitha projektet me OSBE, në kuadër të planit për të rrudhur rolin e misionit. ?Për këtë arsye, jeni të lutur të na informoni: 1. Projektet që institucionet tuaja kanë në proces (të shtrira në periudhë kohore) me OSBE, kostot e tyre dhe nëse ka edhe institucione të tjera kontribuese financiare. Mbi idetë që keni për realizimin e ndonjë projekti të domosdoshëm me OSBE për periudhën në vijim, të cilat mundësisht, të mos jenë në vlera të mëdha dhe të jenë afatshkurtra, duke gjykuar edhe mbi mundësitë për mbështetjen e këtyre projekteve nga institucionet apo organizata e donator të tjerë ndërkombëtarë? thuhet në këtë nismë të ministrisë së jashtme.

Pra në këtë dokument ku u kërkohet zyrtarëve të shikojnë mundësinë e financimit edhe nga doinatorë të tjerë shihet qartë dëshira e qeverisë për ta hequr qafe institucionin e përfaqësuar nga ambasadori Rauning.

Por, problemi është se raporti i këtij të fundit u mbështet me të gjitha forcat pak ditë më parë edhe nga SHBA edhe nga BE.

Daniel B.Bear ambasadori amerikan në OSBE-së deklaroi: ?Shtetet e Bashkuara të Amerikës mbështesin punën e Ambasadorit Rauning. Faleminderit për raportin tuaj të detajuar ambasador Rauning. Ne e shohim punën e shkëlqyer që ju po bëni për mbështetur implementimin e reformave kyçe demokratike në Shqipëri, si vazhdimësi i të paturit një impakt pozitiv atje?. Madje Daniel B.Bear theksoi se ?SHBA vëren se megjithë progresin e bërë në heqjen e individëve me të shkuar kriminale, disa prej tyre vazhdojnë të jenë nëpër lista. Ne u bëjmë thirrje shqiptarëve që të insistojnë që partitë e tyre politike të ofrojnë kandidatë me reputacion që duan ta çojnë vendin përpara. Eleminimi i influencavekriminale nga qeveria është e domosdoshme për zhvillimin e Shqipërisë…?

Në të njëjtën linjë ishte edhe Delegacioni Bashkimi Europian pranë OSBE-s në Vjenë. Pas ShBA dhe ai ka përshëndetur raportin e mbajtur nga kreu komisionit të OSBE-s në Tiranë ambasadori Florian Raunig. Ne deklaratën së lëshuar nga BE, vlerësohej puna e OSBE-së për promovimin e demokracisë dhe konsolidimin e institucioneve në Shqipëri.

Po atëherë a është racionale lufta që Edi Rama sapo ka nisur me OSBE-në? A është ajo e mundshme kur prezencën e kësaj organizate në Shqipëri e mbështesin njëkohësish me forcë edhe ShBA edhe BE? A janë qëndrimet e këtyre të fundit shumë më të rëndësishme sesa fortuna e porositur që ngritën disa ditë më parë disa analistë të majtë dhe gazeta Shekulli? Të gjitha këto pyetje vazhdojnë të gëlojnë për sa kohë që nuk kemi marrë konfirmimin nëse Rama thjeshtë po shantazhon, apo i ka hapur luftë frontale OSBE-së? LAPSI