web counter
LEXO PA REKLAMA!

SHKARKO APP

App Store
Google Play

PD: Droga e Poliçanit e lidhur me kryebashkiakun e Edi Ramës

19 Shtator 2015, 11:13, Aktualitet CNA

Partia Demokratike në një deklaratë për media ditën e sotme me deputeten, Arbjola Halimi ka denoncuar rastin e arrestimit të vëllait të kryetarit të Bashkisë së Policanit për trafik droge.

Sipas deputetes, i implikuar në këtë ngjarje është vetë kryebashkiaku, Adriatik Zotkaj i cili edhe pse është përfolur për lidhjet e tij me krimin është kandiduar përsëri nga Edi Rama.

Deklarat e plotë.

Ngjarja e arrestimit të vëllait të kryetarit të Bashkisë së Policanit, për trafik droge, nuk është e plotë dhe po serviret gjysma-gjysma nga Policia për të fshehur implikimin e Adriatik Zotkajt në këtë histori.

Banorët e Poliçanit e dinë mirë se të kujt janë ambjentet ku u gjet droga.

Oficerë policie që hetojnë prej kohësh, e dinë mirë se kush e drejton këtë biznes kriminal, dhe të dhënat janë se në magazinat e Zotkajt janë mbajtur e trafikuar edhe droga të rënda përveç hashashit.

Eshtë pikërisht ky kryetar bashkie që nuk ka justifikuar dot pasurinë prej 1 milionë eurosh, dhe ndaj tij ka nisur edhe një procedim penal.

Kapja e drogës në ambjentet e Zotkajt është vërtetim i inkriminimit masiv, i krimit të veshur me pushtet dhe pushtetit të veshur me krim.

Zotkaj është në radhët e kryebashkiakëve për të cilët ra këmbana e alarmit, por që Edi Rama sërish i kandidoi dhe u dha pushtet.

Për zotkajt, bushët e roshët, peçët e ndonët, Edi Rama zvarriti dekriminalizimin, e bllokoi atë, duke u bërë mbrojtës i inkriminimit.

Por dekriminalizimi do të bëhet dhe krimi në pushtet i ka ditët e numëruara? përfundon Halimi.

 





Lajmet e fundit nga