E fundit!

10:27 Opinione Luan Rama

Teza serbe e “Mercenarëve të UÇK-së” dhe marrëzitë e zëdhënësve të saj në Tiranë

Gjetja apo sajimi, e më pas edhe përdorimi publik i një ki...

OSBE publikon raportin vjetor/ Politikanet e larte nuk denoen ne Shqiperi

19 Shtator 2015, 07:02, Aktualitet CNA

Prezenca e OSBE në Tiranë, e drejtuar nga ambasadori Florian Raunig, ka prezantuar dje raportin për Shqipërinë përpara Këshillit të Përhershëm të OSBE-së në Vjenë. Në raport janë përfshirë konstatimet e OSBE për zhvillimet në Shqipëri për 12 muajit e fundit. Raporti i OSBE vlerëson se deri më sot nuk ka asnjë zyrtar të lartë të dënuar për korrupsion, ndësa apelon që të arrestohen dhe dënohen ata që qëndrojnë pas trafikut të drogës.

?Megjithëse kanë nisur disa procedime penale ndaj funksionarëve të nivelit të mesëm, Shqipëria ende nuk ka mundur të krijojë një bilanc të ndjekjes apo dënimit të elitave politike dhe ekonomike, veçanërisht lidhur me pasurimin e paligjshëm, korrupsionin dhe krimin e organizuar?, thuhet në raport. Raporti kujton se ndonëse në 2014 u krijua një njësi për hetimin e korrupsionit pranë Prokurorisë së krimeve të Rënda, ende nuk ka ndonjë bilanc për dënimin e zyrtarëve të nivelit të lartë. Duke u ndalur në luftën kundër krimit të organizuar, raporti vlerëson operacionet kundër kultivimit të marijuanës që kanë çuar në mbi 250 arrestime, por që mesa duket ende nuk ka procedime të suksesshme të niveleve të larta.

?Operacioni i vitit të shkuar në Lazarat ritheu besimin te shteti ligjor dhe policia, përpjekje të koordinuara nevojiten për të ndjekur dhe dënuar edhe ata që qëndrojnë pas trafikut të drogës?, thuhet në raport. Raporti vlerëson disa nga aksionet e ndërmarra nga qeveria, duke theksuar se përpjekjet intensive të policisë kundër kultivimit të drogave, të kombinuara me të tjera nisma si operacioni në nivel kombëtar kundër vjedhjes së energjisë dhe ndërtimeve të paligjshme, janë pjesë e deklarimit të qeverisë për të siguruar një zbatim më të mirë të ligjit dhe respekt të shtetit të së drejtës. Kjo është pozitive. Megjithatë ka disa shqetësime mbi zbatimin e pjesshëm dhe qëndrueshmërine e këtyre përpjekjeve, sikundër dhe për ashpërsinë e masave për shkeljeve relativisht të vogla.