web counter
LEXO PA REKLAMA!

SHKARKO APP

App Store
Google Play

E fundit!

x

Ligji për dekriminalizimin, Basha: Nëse nuk ka vullnet nga qeveria do ti drejtohemi popullit

17 Shtator 2015, 11:58, Aktualitet CNA

Kryetari  i PD-së, Lulzim Basha ka reaguar në lidhje me ligjin mbi Dekriminalizimin.

Ai nëpërmjet një postimi në ?Facebook? është shprehur i bindur se ky ligj do të zbatohet edhe pa vullnetin e qeverisë.

Sipas tij, PD do ti drejtohet popullit.

Shkrimi i plotë.

? Ligji për dekriminalizimin, efektiv dhe jo kozmetik. Nëse nuk ka vullnet nga qeveria do ti drejtohemi popullit.

Dekriminalizimi pra largimi i kriminelëve nga Parlamenti, nga pushteti vendor dhe administrata publike është prioriteti kryesor i Shqipërisë. Partia Demokratike dhe unë personalisht jemi të vendosur për ta çuar betejën deri në fund. Ne kemi mbështetjen e plotë dhe të gjithanshme të partnerëve ndërkombëtarë të cilët dua t?i falënderoj për këtë mbështetje që i japin kësaj kauze jetike për Shqipërinë.
Kërkojmë zgjidhje institucionale brenda kornizës së marrëveshjes së 24 Dhjetorit, në kuadër të komisionit të dekriminalizimit, për të gjetur rrugën dhe gjuhën e përbashkët në mënyrë që ligji për dekriminalizimin të jetë një ligj efektiv dhe jo kozmetik, një ligj që me të vërtetë e bën të pamundur për personat me rekorde të tmerrshme kriminale të kandidojnë apo të mbajnë funksione publike.
Nëse qeveria ka vullnetin të punojë mbi këto parime, ne kemi vullnetin tonë të plotë. Nëse jo, opozita do të marrë vendimet që i takojnë bashkë me qytetarët shqiptarë. Dekriminalizimi do të bëhet me cdo kusht?, shkruan Basha.

 





Lajmet e fundit nga