web counter
LEXO PA REKLAMA!

SHKARKO APP

App Store
Google Play

Jahjaga: Çështja e të zhdukurve duhet të trajtohet me përparësi

8 Shtator 2015, 15:46, Kosova & Bota CNA

Ajo në një konferencë të nivelit të lartë për personat e zhdukur, tha se edhe pse janë bërë përpjekje të pareshtura institucionale që të dihet fati i qytetarëve të pagjetur, sipas saj, përparimi ka qenë i ngadalshëm, raporton lajmi.net.

?Beteja për të zhdukurit po shndërrohet në një prej anktheve më të rënda në shoqëri që lidhin të kaluarën tonë me të tashmen dhe që përcaktojnë të ardhmen tonë. Çdo ditë po kërkojmë përgjigje për familjet e të zhdukurve tanë, shpirtrat e lodhur të të cilëve kanë bredhur mbi 15 vjet në kërkim të përgjigjeve nga të gjithë ne për t?iu dhënë fund dhimbjeve të tyre për t?i dhënë fund dhimbjes sonë të përgjithshme?, tha ajo.

Ajo tha se shumë herë është thënë se duhet gjetur zgjidhje për këtë gjendje të pasigurisë dhe të paqartësisë për qytetarët tanë dhe të garantojmë kthimin e tyre.

?Shumë herë kemi premtuar se do të zbardhim fatin e secilit prej atyre që sot vazhdon të konsiderohet i zhdukur për të mundësuar qetësinë shpirtërore të familjes e të familjarëve dhe njëkohësisht edhe për të mos mbajtur peng shtetin tonë dhe shoqërinë tonë?, ka thënë ajo në fjalimin e saj.

Madje tha se të gjitha këto përpjekje ku kanë qenë të përfshira institucionet e vendit tonë, familjarët e të pagjeturve dhe faktori ndërkombëtar, fatkeqësisht kanë hasur në jo gatishmëri nga institucionet e Republikës së Serbisë për bashkëpunim të nevojshëm dhe të domosdoshëm.

? Është e pamundur që të ketë një bashkëpunim të mirëfilltë në këtë fushë pa përfshirjen e institucioneve të Republikës së Serbisë për të treguar gatishmëri që të japin përgjigje për vendndodhjen e mbi 1600 trupave të qytetarëve tanë?, sqaroi ajo.

Çështja e të zhdukurve, sipas saj, është sa çështje njerëzore po aq çështje e drejtësisë dhe prandaj si e tillë duhet të trajtohet me përparësi.





Lajmet e fundit nga