web counter
LEXO PA REKLAMA!

SHKARKO APP

App Store
Google Play

E fundit!

x

Mafia e barnave kap shëndetësinë

2 Shtator 2015, 07:27, Aktualitet CNA

Mazhoranca qeverisëse duket se e ka humbur betejën me mafien e barnave. Madje, duke parë tmerrin e pacientëve me sëmundje të rënda, duket se nuk ka patur fare betejë me mafien e ilaçeve, por thjesht sofistikim të skemës së korrupsionit. Bëhet fjalë për citostatikët. Pavarësisht deklaratave, reformave, buxhetit, tenderave dhe rritjes së kontributorëve, në spitale vijon të mos ketë ilaçe për sëmundjet tumorale.   Gjatë një investigimi të bërë nga gazeta ?Sot,? në Spitalin e Onkologjikut në QSUT, pacientët ankohen për mungesën e citostatikëve, të cilët janë të detyruar t?i blejnë në farmaci private me një çmim tepër të lartë. Herceptina është një prej medikamenteve që u shërben të sëmurëve me sëmundje tumorale, e cila mungon te Onkologjiku.

Ky medikament ofrohet vetëm nga Shërbimi Onkologjik pranë Qendrës Spitalore Universitare ?Nënë Tereza? (QSUT), ku të sëmurët zënë radhët në listat e pritjeve për të vijuar kurimin e sëmundjes. Një grua rreth të 60-ve nga Dibra, ulur në sallën e pritjes, ashtu si edhe shumë të sëmurë të tjerë, tregon kalvarin e vuajtjeve të saj, e cila jo vetëm duhet të përballet me sëmundjen e saj, por si për ironi të fatit edhe me pazarin e mungesës së ilaçeve, të cilat duhet t?i blejë në farmaci me një çmim tepër të lartë. Sipas 60 vjeçares, mungesa e herceptinës ka bërë që për shumë të sëmurë të prekur nga kanceri të ndërpritet pa afat trajtimi me kimioterapi deri në sigurimin e medikamentit që ka kosto tepër të lartë, pasi vetëm një seancë kushton 2100 euro. Përpos herceptinës, mungon edhe zoladeksi.

?Spitali nuk ka ilaçe. Në këtë spital kurohen pacientët me sëmundje të rënda dhe ilaçet janë tepër të shtrenjta për t?i blerë në farmaci. Unë një kokërr nga 23 mijë lekë, tani e marr 40 mijë lekë. Spitali ofron vetëm ilaçin Odna. Jam duke bërë kimioterpainë, më kanë rënë flokët, vetullat dhe thonjtë. Më është këshilluar që të konsumoj sa më shumë fruta, por ku t?i gjej paratë. Vij bashkë me vajzën këtu në gjithë atë rrugë të gjatë, dhe ujin e marrë nga shtëpia. Ilaçet janë shumë të shtrenjta. Shteti nuk do t?ia dijë?, u shpreh pacientja nga Dibra.





Lajmet e fundit nga