web counter
LEXO PA REKLAMA!

SHKARKO APP

App Store
Google Play

E fundit!

x

Lideri botëror “çan rrethimin” amerikan/ Vizitë në SHBA te OJF e Klintonëve

2 Shtator 2015, 07:22, Aktualitet CNA

Kryeministri Edi Rama duket se po e përjeton dramatikisht izolimin e parakohshëm dhe të dyfishtë nga Perëndimi. I parakohshëm sepse Edi Rama po aneksohet që në fundin e vitit të dytë të pushtetit. I dyfishtë sepse, në një kohë kur, evropianët (Merkel) e lanë në prapaskenë, në ditën e dytë të punimeve të Samitit të Vjenës, amerikanët (Obama) nuk e ftoi në Samitin e Nju Jorkut, ku do të diktohej për planet e reja kundër terrorizmit. Mungesa e ftesës nga Obama nuk do të vihej re nëse Presidenti amerikan nuk do të fronte Isa Mustafën dhe Aleksandër Vuçiç.

Po gjatë kësaj vere të ?akullt?, zyrtarë të lartë amerikanë (si Zëvendësndihmës Sekretari i Shtetit të SHBA, Hoyt Brian Yee) kanë zbarkuar dhe janë larguar nga Tirana, pa e takuar kryeministrin tonë. Ndërkaq, ambasadori amerikan nuk shkon më në festat e kryeministrit. Në të njëjtën kohë, pas çdo mufke nacionaliste apo provokimi ndaj fqinjëve, kryeministri thirret në ambasadën amerikane, ku më pas detyrohet të përgënjeshtrojë veten në konferenca të diktuara shtypi. Janë sinjale të dukshme dhe të forta diplomatike.

Megjithatë, kryeministri Edi Rama duket se e ka çarë më në fund, izolimin dhe rrethimin sëkëlldisës amerikan. Një ditë pas publikimit të skeçit me kryeministrin serb në televizion, ku niveli i debatit dhe shtjellimi i ideve të kujtonte diskutimet e çunave që luajnë bilardo poshtë pallatit, kryeministri Rama ka njoftuar çarjen e bllokadës amerikane. Nuk do t?i japë dorën presidentit në ndonjë kthinë. Nuk bëhet fjalë për ndonjë takim në rang zëvendëspresidenti. As sekretari i shtetit apo senatorësh. Kryeministri Edi Rama është ftuar nga familja Clinton në një event të përvitshëm në Nju Jork. Iniciativa globale ?Clinton? do të organizojë eventin e përvitshëm dhe kryeministri Rama do të jetë i ftuar nderi, siç janë ftuar edhe 1 mijë liderë të tjerë. Fondacioni Clinton drejtohet nga ish-presidenti amerikan, Bill Clinton, nga vajza e tij, Chelsea Clinton. Rol kryesor ka edhe bashkëshortja e Clinton, Hillary Clinton, e cila është tërhequr përkohësisht për shkak të sfidës në zgjedhjet presidenciale.





Lajmet e fundit nga