web counter
LEXO PA REKLAMA!

SHKARKO APP

App Store
Google Play

E fundit!

x

Koço Kokëdhima kundër policisë për hashashin

2 Shtator 2015, 07:19, Aktualitet CNA

Koço Kokëdhima është kundër operacionit të policisë kundër shkatërrimit të parcelave të mbjella me hashash.

Në një editorial të sotëm, gazeta Shekulli e Kokëdhimës thotë se po digjen miliona euro.

?Ana simbolike nuk është e vështirë për tu kuptuar.

Qeveria e majtë e Edi Ramës, prej majit 2014, me flakë dhe zjarr, po djeg dhe shkatërron çdo ngastër të mbjellë me kanabis.

Shqipëria, me kryeneçësi, edhe pse e gjunjëzuar nga varfëria dhe kriza ekonomike që premton të vijojë për shumë vite të tjerë, po djeg për të dytin vit me miliarda euro të ardhura, për tu vetëshpallur një ndër vendet më ?pa vese?, ndërsa shumë vende të tjera kanë bërë hapa përpara në ligjërimin e një biznesi miliarda eurosh?, shkruan Arben Rrozhani në editorialin e Shekullit.

Ai zbulon se Kokëdhima ka qenë kundër edhe operacionit të kryer në Lazarat, pasi sipas deputetit socialist, do të mbeteshin njerëzit pa bukë.

?Kur ndodhi çmontimi i Lazaratit, ndërsa qeveria ishte në euforinë e marrjes së një ?kështjelle? që ishte bërë sinonimi i antishtetit, krimit të organizuar dhe korrupsionit të lidhur me qeverisjen e Sali Berishës dhe opozita e lebetitur nga ikja e një bastioni të ?krahut të armatosur?, i etiketuari si ?superdeputet? i Jugut, Koço Kokëdhima shtroi një pyetje që do të bënte me dhimbje koke çdo qeverisje të përgjegjshme: me çfarë do të ushqehen ata njerëz tani?

Nuk bëhej fjalë për kokat e krimit nga qendra në bazë, por për ata mijëra fermerë, argatë dhe përfitues të atyre pak fondeve të ekzistencës prej ekonomisë së kanabisit, të cilët edhe sot, por edhe nesër e më tutje, nuk kanë një alternativë punësimi dhe prodhimi, nuk kanë asnjë mbështetje financiare nga qeveria?, shkruan Rrozhani.

Ai e mbyll shkrimin se këto dy vite njerëzit kanë vijuar të varfërohen dhe nëse qeveria nuk merr masa për mirëqënien e tyre, duke nisur nga legalizimi i hashashit, do të marrë një million shuplaka kundër.





Lajmet e fundit nga