web counter
LEXO PA REKLAMA!

SHKARKO APP

App Store
Google Play

Gjykata, arrest me burg per Julian Shorjen, do te vriste emigrantin shqiptar

6 Gusht 2015, 13:45, Kronika CNA

Gjykata e Tiranës ka dhënë masën e arrestit për dy shtetasit, të cilët do të vrisnin një emigrant shqiptarë. Pas shqyrtimit të fakteve të paraqitura nga prokuroria, gjykata ka vendosur masën arrest me burg për 29-vjeçarit Julian Shorja dhe detyrim paraqitje për të fejuarën e tij, 26-vjeçares Riviola T. Julian Shorja dhe e fejuara e tij Riviola T., po përgatisnin skemën e vrasjes së një emigranti shqiptarë i cili sapo kishte ardhur në Shqipëri, duke kryer kështu porosinë e marrë nga persona, të cilët ende nuk janë arrestuar. Julian Shorja ka rrëfyer në polici se ai nuk e njeh personin që do ekzekutonte, madje ka shtuar se nuk i dinte as emrin dhe as motivin se përse duhej ta vriste, pasi dy porositësit nuk i kishin dhënë shumë detaje. 29-vjeçari ka thënë para hetuesve se ai e kishte parë vetëm në një fotografi emigrantin, ndërsa 10 mijë eurot i ishin premtuar se do t?i merrte pasi të kryente punën. Ndërkaq, Policia e Tiranës është duke hetuar të gjitha pistat e mundshme se përse M.A. dhe Sh.P. donin të vrisnin emigrantin rezident në shtetin fqinj. Deri tani dy janë pistat që po hetohen, njëra që lidhet me një borxh të vjetër që mendohet se emigranti u ka dy porositësve dhe pista tjetër lidhet me hakmarrjen, pasi emigranti mendohet se ka pasur lidhje dashurie me gruan e njërit prej dy personave që kishin porositur atentatin, të cilët janë shpallur në kërkim. Burime policore shtojnë se Julian Shorja ka qenë në vëzhgim prej kohësh nga policia dhe është ndërhyrë pikërisht ditën e martë, pasi kishte informacione të mjaftueshme për të menduar se i riu ishte duke përgatitur një minë të telekomanduar për të vrarë emigrantin. Nga kontrolli i banesës së 29-vjeçarit u gjetën dhe sekuestruan në cilësinë e provës materiale, 2 kapsolla detonatore, municione luftarake dhe lëndë narkotike e dyshuar kanabis sativa.





Lajmet e fundit nga