E fundit!

18:17 Politikë

Rama me banorët: Hyrja e SPAK në këtë proces nuk është për projektin e Zvërnecit

Në takimin me banorët në Zvërnec, kryeministri Edi Rama ka...

Prokuroria dergon per gjykim dosjen e Prenges, te arrestuar per trafik te lendeve plasese

1 Gusht 2015, 16:49, Kronika CNA

Prokuroria për Krime të Rënda dërgon për gjykim kërkesën ndaj 38 vjeçarit Kastriot Prenga, i akuzuar për trafikim të lëndëve plasëse. Prokuroria pohon se nuk arriti të provojë bashkëpunimin e të riut me personat që gjente dhe më pas shiste lëndët plasëse.

Kastriot Prenga është arrestuar në flagrancë, në vijim të hetimit proaktiv të drejtuar nga Prokuroria për Krime të Rënda dhe të zbatuar nga ana e Policisë së Shtetit, në 1 dhjetor 2014, me një sasi prej 18 kallëpe lëndë plasëse C4.

Hetimi ka nisur në bazë të informacioneve të referuara nga ana e Policisë së Shtetit, e cila kishte siguruar në mënyrë operative informacione se i pandehuri Prenga, lindur në Mirditë dhe banues në Tiranë, kryente trafikim të lëndëve plasëse, kundrejt pagesave të ndryshme.

Në kuadër të këtij hetimi, si edhe për të provuar faktin kriminal, nga ana e Prokurorisë për Krime të Rënda u lejua veprimi hetimor i blerjes së stimuluar.

Në zbatim të planit hetimor, oficerë të policisë gjyqësore realizuan blerje të stimuluar të lëndëve plasëse C4 tek ky i pandehur dy herë, përkatësisht në 30 nëntor 2014 dhe 1 dhjetor 2014.

Sasia e blerë në mënyrë të stimuluar ka qenë e vogël dhe u ka shërbyer autoriteteve hetimore të krijonin bindjen e plotë se ky shtetas konsumonte veprën penale të trafikimit të lëndëve plasëse.

Pasi është realizuar blerja e dytë stimuluese, në 1 dhjetor 2014, Prenga është larguar por është mbajtur nën mbikëqyrje nga ana e forcave të Policisë së Shtetit.

Në vijim të ndjekjes, ai është arrestuar në flagrancë dhe iu gjetën 18 kallëpe lëndë plasëse C4, të cilat ishte nisur për ta shitur në qytetin e Vlorës.

Nga hetimet nuk u provua se Kastriot Prenga e ka kryer veprën penale ne bashkëpunim me persona te tjerë.

Megjithatë, provohet se i pandehuri Kastriot Prenga ka konsumuar elemente te veprave penale te ?Trafikimit te lendeve plasëse, djegëse, helmuese dhe radioaktive,? me shume se një here.