web counter
LEXO PA REKLAMA!

SHKARKO APP

App Store
Google Play

E fundit!

x

Besnik Aliaj: Opozita gaboi me bojkotin ne Bashkine e Tiranes

30 Korrik 2015, 20:15, Aktualitet CNA

*Nga Besnik ALIAJ

 

FB_IMG_1438287087612Si sot 4 vjet me pare Lulzim Basha u betua kryebashkiak pas nje fushate te forte elektorale me Edi Ramen, dhe nje rezultati te ngushte qe u zgjidh me Gjykate. Natyrisht emocionet nuk munguan ne sallen e Keshillit Bashkiak edhe atehere. Disa ndoshta e kane harruar se nuk munguan dhe ofendimet, te cilat Basha i trajtoi me shume qetesi dhe dinjitet, madje duke u dhene doren keshilltareve opozitare, qe as nuk denjuan te coheshin per etike ne kembe … Sot socialistet keshilltare me salle benin te cuditurin. Dhe ne parim nuk them qe nuk kane te drejte. Por askush nuk duhet harroje se sot korret cfare ke mbjelle dje! Dhe kjo per hir vertetes vlen si per PS edhe per PD! Madje dikush ka harruar se pas ceremonise jo pa tension 4 vite me pare, edhe socialistet me pas braktisen sallen duke hequr dore edhe nga perfaqesimi ne Keshillin e Qarkut.

 

Sot pas kater vitesh opozita e re erdhi perseri ne ceremoni. Ajo respektoi pa asnje tension konstituimin e Keshillit Bashkiak si dhe zgjedhjen e kyetarit e nenkryetares te Keshillit. Respektoi edhe vete Erion Veliaj kur ai hyri ne salle duke u ngritur ne kembe… Por opozita protestoi jo pa arsye dhe aspak me befasi pranine ne salle te ministrit te ceshtjeve vendore dhe te prefektit Tirane … Natyrisht te dy keta qytetare e kane rrugen ligjore te hapur te ishin te pranishem ne salle qofte si qytetare te lire qofte si titullare. Dhe per mua personalisht ata kane gjithe respektin e mirekuptimin njerezor per kete gje e ne keto raste! Por askush sot nuk mund t’i heqe te drejten Opozites te beje nje statement madje te forte politik. Aq me teper kur shume balanca te demokracise ne vend ne mos jane prishur, jane kercenuar seriozisht.

 

Opozita sot nuk mund te jete indiferente ndaj nje reforme territoriale qe tashme de fakto ka influencuar per deformimin e rezultatit elektoral. Dhe sot ska me naive ne kete pike. Ne sot mund te kritikojme Opoziten qe duhet te kishte bere oponencen ne tryeze e Parlament. Qe ta kish bere kete gje me te forte, me bindes dhe me konstruktiv kete rol. Por perseri askush sot nuk mund te mohoje faktin se kjo reforme jetike per vendin, ka qe tani efekte negative te pakten per stabilitin politik, kompetencat lokale, per decentralizimin, dhe per traditen e qeverisjes vendore autonome ne teresi gjate 1993-2015. Edhe pse kjo reforme duhej, ministri ne fjale mban nje nga pergjegjesite kryesore per produktin konfliktual te realizuar ne kete pike te pakten ne raport me opoziten dhe me gjere. Po keshtu Opozita sot nuk mund te harroje se si prefekti dhe institucione te tjera qendrore bllokuan pa argument ligjor: buxhetin dhe projektet e medha te zhvllimit te qytetit edhe ne kushtet kur gjykatat i dhane te drejte disa here z.Basha ate kohe. Natyrisht nuk mohoj se edhe PD e ka bere kete me z.Rama. Por 2 vitet e fundit ishin akoma me pa precedent, sa qe nuk mund te harrohet as ministria e financave qe bllokoi edhe 1/3 legjitime te buxhetit operacional ne kushtet e bllokimit te buxhetit total. Shkurt sot maxhoranca mori mbrapsht vetem nje incident nga ajo qe mbolli ne keto 4 vjet. Dhe kjo filozofi ne fakt duhet te marre fund urgent nga te dy “palet”, duke filluar se pari nga vete “fitimtari”! Ndryshe mbetemi perjete ne rreth vicioz.

 

Me kete nuk dua te mbeshtes aspak largimin dhe bojkotin si akt! Por nga ana tjeter dua te mirekuptoj nderkohe edhe aktin legjitim politik te PD permes  ketij xhesti, akt qe nuk u kuptua ose nuk u spjegua sa dhe si duhet nga mediat, ndonjehere jo edhe pa qellim.

Nderkohe eshte fakt qe dihet se dje me kortezi PD dhe PS negociuan per axhenden e sotme. Dhe PD ishte shume konstruktive me kete pike fale edhe insistimit te z. Basha per korrektese dhe etike institucionale. Ne kete bisede edhe pse nuk u vendos qe autoritetet ne fjale te mos ishin te pranishem, u be e qarte nje gje se Opozita kishte rezerve te forte per kete prani, per shkak te rrethanave specifike politike. Ne se ky mesazh nuk e vleresua, ose u injorua, apo duhej patjeter per ndonje simbolike te brendshme te maxhorances, kjo eshte tjeter ceshtje. Por rezerva e Opozites nuk lidhej fare me qytetaret ne fjale, sesa me frymen politike ne teresi qe ata me ose padashje reflektojne, e qe ka shijen e hidhur te konfliktualitetit, kokefortesise dhe arrogances, dhe qe per fat keq ne kete vend kuptohet vetem kur je ne opozite…

 

Ne keto kushte eshte e pandershme te akuzosh Opoziten sot per bojkot, sado imperfekte ajo te jete, dhe te injorosh totalisht mesimin e madh: mos i bej tjetrit ate qe nuk do ta bejne ty! Madje me duhet te theksoj edhe nje detaj ne dukje pa rendesi por me vlere: ne ate atmosfere betimi solemn te Erionit, me shume modesti e perunjesi por me mjaft dinjitet z. Olli gati iu lut 3 here moderatorit te ekzaltuar te seances duke kerkuar qe Opozita te respektohej dhe te mundesohej te ishte pranishme ne kete ceremoni te perbashket, duke bêre fare te qarte se te pakten me kete moment Opozita skishte asgje me kryetarin e ri te Bashkise por me dicka me me rendesi qe prek thelbin e demokracise dhe kesaj qeverie. Nje pauze 5 minuteshe do kish ulur gjakrat e sqaruar shume gjera. Por maxhoranca nuk deshmoi fare vullnet per ta parandaluar ose kapercyer kete ngerc duke derguar njerezit e gabuar ne vendin dhe kohen e gabuar.

 

Mua s’me mbetet gje tjeter te them, vec ti uroj kryebashkiakut te ri detyren per te miren e Tiranes. Por edhe ti kujtoj atij premtimet, dhe parimin tashme te mireprovuar e qe vlen per te gjithe ne Keshill, se: c’te mbjellesh do korresh! Sa per oferten time dhe te Opozites per nje oponence te forte por konstruktive le t’ja leme kohes. Jam me se i bindur se Keshilli Bashkiak ka tashme mjaft njerez te lire e me integritet.

*koment nga Besnik Aliaj per konstituimin dhe braktisjen e nga opozita sot ne mesdite ne Keshillin Bashkiak te Tiranes.





Lajmet e fundit nga