web counter
LEXO PA REKLAMA!

SHKARKO APP

App Store
Google Play

E fundit!

x

Analiza e Rames, reagon Basha: Do ishte e udhes te fliste per ndryshim kursi te Qeverise

30 Korrik 2015, 16:14, Aktualitet CNA

Kryetari i Partisë Demokratike Lulzim Basha reagoi ndaj Kryeministrit Edi Rama, për analizën e 300 ditëve të dyta të qeverisjes. Ai tha se kreu i qeverisë u krenua, por në rrugën e përshkruar nga ai nuk ka kaluar askush. Sipas tij, Rama premtoi rritje ekonomike 3% në një kohë që vendi është në krizë. Basha shtoi se qeveria bën biznes edhe me sëmundjet dhe dramat e njerëzve. Kryedemokrati ngriti pikëpyetje se ku janë mijëra vendet e punës që janë hapur, ndërsa shtoi se edhe pagat kanë mbetur të ngrira. ?Flet për mbrojtjen e zonave nga ndërtimet, ky që lejon mbushjen e mureve të kalasë së Tiranës me mura e llaç nga miku i tij. Kjo është një skemë që vijon prej ditës së parë, skema e përkeqësimit të realitetit çdo ditë nga njëra anë dhe e mohimit të tij nga ana tjetër. Shqiptarët nuk e prekin dhe nuk e shijojnë asnjë ditë atë që thotë Kryeministri. Kjo është gënjeshtra me këmbët më të shkurtra se përgënjeshtrohet çdo ditë nga shqiptarët?, u shpreh Basha. Ai deklaroi se do kishte qenë e udhës që Rama të fliste për ndryshim kursi dhe për hallet e vërteta të shqiptarëve. Kryedemokrati nënvizoi se makutëria dhe grabitja e pasurive është gjithçka që është parë në këto dy vite qeverisje. Lidhur me deputetët e mundshëm me rekorde kriminale, Basha tha se kreu i qeverisë mohoi se i njihte, ndërsa shtoi se Edi Rama thotë se nuk i njeh ata për të cilët shkruajnë edhe mediat e huaja. Ai përmendi disa emra deputetësh dhe kryebashkiakësh që sipas tij janë me rekorde kriminale, ndaj shtoi se duke e njohur të kaluarën e tyre mohoi dhënien e shenjave të gishtërinjve. Basha shtoi se Rama po rrezikon marrëdhëniet me partnerët strategjikë.





Lajmet e fundit nga