web counter
LEXO PA REKLAMA!

SHKARKO APP

App Store
Google Play

E fundit!

x

Tatimet kërkojnë bllokimin e Agon Channel: Nuk pagoi sigurimet shoqërore të punonjësve

30 Korrik 2015, 12:18, Aktualitet CNA

Pas gjykatës, edhe Drejtoria e Përgjithshme e Tatimeve kërkon bllokimin e Agon Channel. Në një shkresë drejtuar Qendrës Kombëtare të Licensimit, tatimorët kërkojnë bllokimin e kompanisë AgonSet, që ka në pronësi Agon Channel, pasi rezulton se ajo nuk ka paguar 47 milionë lekë detyrime ndaj shtetit. Në shkresën e datës 20 korrik 2015, të lëshuar nga Drejtoria Rajonale e Tiranës, thuhet se shoqëria ?Agonset?, me administrator Maurizo De Renzis, bashkëpunëtor i Beccettit i shpallur po ashtu në kërkim, ka një detyrim të papaguar në vlerën e 47.345.332 lekëve.

Këto detyrime vijnë si pasojë e mospagimit të sigurimeve shoqërore dhe tatimi i të ardhurave personale të punonjësve. Sipas shkresës, Agon Channel ua ka mbajtur punonjësve sigurimet shoqërore dhe tatimin mbi të ardhurat personale, por nuk i ka derdhur ato në arkën e shtetit. Kërkesa e Drejtorisë së Përgjithshme të Tatimeve për bllokimin e AgonSet synon mostjetërsimin e aseteve të shoqërisë, deri në shlyerjen e detyrimit tatimor.

I gjendur në vështirësi financiare, Agon Channel duket se po ndërpret marrëdhëniet e punës me disa punojnës. Pak ditë më parë, disa burime brenda Agon Channel thanë për lapsi.al se avokatët e kompanisë u kanë kërkuar të paktën 70 punonjësve të të firmosin ndërprerjen e kontratës, pasi nuk kanë para për t?i paguar. Një grup gazetarësh iu drejtua po ashtu disa ditë më parë Unionit të Gazetarëve, me një letër, në të cilën e vinin në dijeni për faktin se nuk ishin paguar prej 3 muajsh dhe kërkonin ndërhyrje për të zgjidhur këtë situatë. Këtë javë prokuroria ngriti zyrtarisht akuzat ndaj pronarit të Agon Channel, Francesco Becchettit për pastrim parash, vjedhje duke shpërdoruar detyrën dhe krimi të skemave mashtruese me qëllim përfitimin./ Lapsi.al





Lajmet e fundit nga