web counter
LEXO PA REKLAMA!

SHKARKO APP

App Store
Google Play

Prokuroria, 74 vjet burg per gjashte persona, akuzohen per trafik heroine drejt Greqise

29 Korrik 2015, 13:35, Kronika CNA

74 vjet burg është kërkesa e bërë nga Prokuroria për Krime të Rënda për të dënuar gjashtë persona, të akuzuar për trafik lëndësh narkotike, heroinë, nga Shqipëria në drejtim të Greqisë. Arrestimi i tyre u bë më 16 prill të vitit 2014 pranë pikës së kalimit kufitar të Kapshticës ku secili në rolin e tij, po tentonin të kalonin në drejtim të Greqisë rreth 2.6 kilogramë heroinë. Ndaj të akuzuarve është zhvilluar hetimi proaktiv, i drejtuar nga Prokuroria për Krime të Rënda pak javë para arrestimit të tyre. Nga hetimet rezultoi se gjashtë të pandehurit, si edhe disa persona të tjerë, ishin pjesë e një grupi që trafikonin lëndë narkotike nga Shqipëria në Greqi. Pavarësisht qëndrimit mohues të disa prej të pandehurve lidhur me veprat penale për të cilat akuzohen, Prokuroria për Krime të Rënda ka siguruar provat e plota dhe kërkon si dënim për Renato Shopi me 14 vjet burgim; Aleks Kreci të dënohet me 13 vjet burgim; Shyqyri Hasalla të dënohet me 13 vjet burgim; Ardian Shurdha të dënohet me 12 vjet burgim; Eli Djali të dënohet me 11 vjet burgim dhe Dritan Qesja të dënohet me 11 vjet burgim Gjykata ka pranuar kërkesën e të pandehurve për gjykim të shkurtuar dhe, nëse shpallen fajtorë, të pandehurit do të përfitojnë uljen 1/3 e dënimit. Ndërkohë, i bashkëpandehur me këta persona është edhe Ervis Haskolli, i cili gjykohet më vete.





Lajmet e fundit nga