web counter
LEXO PA REKLAMA!

SHKARKO APP

App Store
Google Play

Shkodër e Vlorë, asgjësohen mbi 5 mijë rrënjë kanabisi

29 Korrik 2015, 07:41, Kronika CNA

Policia e Shtetit vijon  operacionin kundër kultivimit të bimëve narkotike, duke asgjësuar së fundmi 5 mijë rrënjë në disa aksione të ndërmarra në Shkodër dhe Vlorë.

Në Shkodër, operacioni është shtrirë në të gjithë qarkun, i përqendruar kryesisht në zonat e thella të Shkodrës dhe Pukës.

Kështu, në malin e fshatit Mnelë e Madhe në Shkodër janë asgjësuar 1300 rrënjë të mbjella në 21 parcela, në fshatin Mazrek, po në Shkodër janë gjetur 1 mijë rrënjë të mbjella në 11 parcela, ndërsa në fshatin Kaftallë të Pukës janë asgjësuar 2300 bimë

Policia thotë se bimët varionin nga 50 deri në 200 centimetra të larta dhe një pjesë e mirë e tyre ishte gati për korrje. Bimët u asgjësuan përmes djegies, ndërsa vijojnë hetimet për identifikimin dhe vënien përballë drejtësisë me akuzën e kultivimit të bimëve narkotike të personave përgjegjës.

Ndërkohë, në Vlorë policia ka asgjësuar rreth 800 bimë narkotike të mbjella në një toka pa pronarë në fshatin Verbas. Bimët ishin mbjellë në një zonë pyjore dhe kishin kapur një lartësi deri në 150 centimetra. Policia thotë se po punon për identifikimin e autorëve të mbjelljes së bimëve narkotike.





Lajmet e fundit nga