web counter
LEXO PA REKLAMA!

SHKARKO APP

App Store
Google Play

Prokuroria kerkon gjyq me dyer te mbyllura per kolumbianin e droges

14 Korrik 2015, 13:45, Kronika CNA

Gjykata e Krimeve të Rënda nisi këtë të martë gjykimin për Cesar Triana, kolumbianin me shtetësi spanjolle, i cili kishte ardhur në Shqipëri një vit më parë për të marrë paratë për 256 kg kokaine, e cila u kap në një kontenier në Malin e Zi. Gjykata ka vënë në dispozicion të të akuzuarit një përkthyes ndërsa në sallë nuk kanë munguar përfaqësues të ambasadës spanjolle si dhe familjarë të ardhur nga Kolumbia. Seancat ndaj tij do të vijojnë të zhvillohen me dyer të mbyllura, pas kërkesës së prokurores, Elisabeta Ymeri, e cila deklaroi në gjykate se në kërkesën për gjykim ka të dhëna që përbëjnë sekret hetimor, sa kohë që një pjesë tjetër e dosjes është ende nën hetim. Droga për të cilën akuzohet Triana, u kap në territorin e shtetit malazez e fshehur në një kontenier me banane, e porositur nga Firma ?Rrapo? në Fier, por nga hetimet nuk u arrit të provohej që pronari i kësaj firme kishte porositur lëndë narkotike në Ekuador. Në deklarimet e tij, Cesar Triana ka pohuar se qëllimi i vizitës ishte të merrte një sasi parash për ngarkesën e drogës. Ai ka thënë para hetuesve se ishte porositur nga dy kolumbianë që të vinte në Shqipëri dhe pasi të kontaktonte me një numër telefoni, do të merrte një këst parash që varionte nga 600.000 deri 1 milion euro. ?Nga kjo punë unë do të fitoja 200 mije euro? mësohet të jetë shprehur kolumbiani . Sipas prokurorisë, në trafikun e lëndës narkotike vërtetohet dhe përfshirja e personave të tjerë ende të paidentifikuar, por për të cilët vijojnë hetimet në një tjetër dosje.





Lajmet e fundit nga