web counter
LEXO PA REKLAMA!

SHKARKO APP

App Store
Google Play

Abuzimet me energjinë, arrestohen 4 persona

13 Korrik 2015, 11:58, Kronika CNA

Edhe gjatë javës së kaluar në të gjithë vendin ka vijuar puna e përbashkët e Policisë së Shtetit dhe OSHEE, për evidentimin dhe vënien para drejtësisë të autorëve të vjedhjes së energjisë elektrike, si dhe për ndërprerjen e lidhjeve të paligjshme të energjisë elektrike.

Gjatë periudhës 06.07.2015 deri më 12.07.2015, në të gjithë vendin kanë vepruar çdo ditë  50 grupe të përbashkëta  Polici?OSHEE.

Janë kryer kontrolle të përbashkëta Polici-OSHEE në 2.995 raste. Si rezultat i kontrolleve të kryera në terren në abonentët biznes dhe familjarë, janë evidentuar 18 raste të vjedhjes së energjisë elektrike me 18  autorë.

Nga këta janë arrestuar në flagrancë 4 persona, të cilët akuzohen për vjedhje të energjisë elektrike. Janë  shpallur në kërkim 5 persona, ndiqen në gjendje të lirë 9 persona.

Po gjatë kësaj periudhe janë ndërprerë 879 lidhje të abonentëve debitorë dhe 18 lidhje të paligjshme. Gjithashtu, janë kontrolluar 38 kabina elektrike dhe abonentët që furnizohen nga këto kabina.

Policia e Shtetit dhe OSHEE janë të vendosur ta çojnë deri në fund punën e nisur, deri në shkëputjen e fundit të lidhjeve të paligjshme, duke përballur me forcën e ligjit të gjithë ata persona, të cilët abuzojnë me energjinë elektrike, duke e vjedhur atë, qofshin këta përfaqësues biznesesh, individë, apo punonjës të vetë OSHEE.

 





Lajmet e fundit nga