E fundit!

08:48 Aktualitet

Sot tubimi i 48-të kundër qeverisë/ Ja kur mbahet protesta e radhës para Kuvendit

Ditën e sotme mbahet protesta e 48 radhazi kundër qeverisë...

Tarikati Islamik Halvetian përgënjeshtron deklaratën e Komunitetit Mysliman Shqiptar

8 Korrik 2015, 08:43, Aktualitet CNA

Tarikati Islamik Halvetian ka publikuar një deklaratë për shtyp, ku ka përgënjeshtruar deklaratën e djeshme të Komunitetit Mysliman Shqiptar. Në deklaratë theksohet se nuk është grabitur prona vakëf, por prona i është kthyer me vendim gjykate një komunitetit tjetër islamik halvetian, i cili e ka pronë të tijën me vërtetim hipotekor të vitit 1919.

Deklaratë për shtyp

Në emër të Tarikatit Islamik Halvetian, përgënjeshtrojmë deklaratën e Komunitetit Mysliman Shqiptar

Theksojmë se nuk është grabitur prona vakëf, por prona i është kthyer me vendim gjykate një komunitetit tjetër islamik halvetian, i cili e ka pronë të tijën me vërtetim hipotekor të vitit 1919

Vakëfi për të cilën bëhet fjalë në deklaratën e këtij komuniteti, është pronë e Tariaktit Halvetian

Kjo vërtetohet me dokumenta të zyrës qendrore të regjistrimit të pasurive të paluajtshme

Ky vakëf ,i njohur ndryshe si Teqeja e Adem Idrizit, në regjistrin hipotekor me nr 221 figuron i regjistruar pronë e Tarikatit Halvetian që në 20.03.1919 (për të cilën disponojmë edhe një kopje të dokumentit hipotekor)

Theksojmë se kjo pronë nuk është në iventarin e pasurisë së KMSH-së.

Kujtojmë që në vitin 1921 administrimi i pasurive të teqevë dhe xhamive është ndarë në bazë të statuteve të këtyre dy komuniteteve

Kjo ndarje është ligjëruar me statutin e Kongresit të shejhelerëve, që daton në 21 gusht 1921.

Ky ishte një kongres I veçantë I shejhelerëve që vendosin Lidhjen e Shejhelerëve dhe bëri shkëputjen e Tarikatëve të ndryshme të sekteve të teqeve Halvetiane, Rrufai,Kadri, Melami, etj nga Komuniteti Myslyman që përfaqësonte xhamitë dhe medresetë.

Në këtë kongres u ndanë më vete teqetë nga xhamitë, si dhe vakëfet e teqeve nga vakëfet e xhamive

Edhe në iventarin e pasurive të paluajtëshme të komunitetit myslyman shqiptar të bërë që para vitit 1944 nga vetë ky komunitetit, të nxjerrë nga Arkiva Qendrore SHqiptare, Fondi 882, dosja 20, fleta 203, 203, 205 rezulton se ky truall nuk është në listën emërore të Komunitetit Myslyman

Tarikati Islamik Halvetian