web counter
LEXO PA REKLAMA!

SHKARKO APP

App Store
Google Play

E fundit!

x

Ambasada britanike: Një klikë gjyqtarësh të korruptuar kanë kapur drejtësinë

8 Korrik 2015, 05:57, Aktualitet CNA

Faktori ndërkombëtar ka rritur presionin ndaj qeverisë shqiptare për të pastruar drejtësinë nga gjyqtarë të korruptuar. Në kuadër të reformës në drejtësi, ambasada britanike ka deklaruar se një klikë gjyqtarësh të korruptuar kanë kapur drejtësinë dhe se kjo përbën pengesë edhe për investimet e huaja. Ambasada britanike apelon që të vijojnë konsultimet për reformën në drejtësi dhe të merren masa të menjëhershme. Mesazhi vjen nga i ngarkuari me punë i Ambasadës Britanike, Stephen Hickling. ?Në sistemin gjyqësor është ngritur një klikë gjyqtarësh shumë të korruptuar, korrupsion ky i ndihmuar edhe nga vetë avokatët dhe personat e tjerë të përfshirë në shërbimet ligjore që shërbejnë si ndërmjetës midis klientëve dhe gjyqtarëve. Por ryshfetet nuk ju shkojnë vetë gjyqtarëve në xhep. Avokatët dhe të tjerët, në shërbimet ligjore janë bashkëfajtorë dhe përfitojnë nga ky sistem i korruptuar”, tha ai.

 

Reforma në drejtësi  

Në vijim të konsultimeve publike për komponentët kryesorë të dokumentit ?Analiza e Sistemit të Drejtësisë në Shqipëri ? 2015? dhe të tërheqjes së opinioneve rreth Strategjisë për Reformën në Drejtësi, anëtarët e Komisionit të Posaçëm për Reformën në Drejtësi dhe Grupi i Ekspertëve të Nivelit të Lartë, pranë Komisionit të Posaçëm, zhvilluan forumin rajonal të radhës në Universitetin ?Nehemia? në Pogradec. Në këtë veprimtari, ku u prezantua komponenti i ?Shërbimeve Ligjore?, ku morën pjesë gjyqtarë, prokurorë, avokatë, noterë, përmbarues, ndërmjetës, si dhe përfaqësues të OJF-ve të Pogradecit dhe të Korçës. I ngarkuari me punë i Ambasadës Britanike, Stephen Hickling, theksoi disa nga arsyet se përse kjo reformë është e rëndësishme. Ai përmendi anëtarësimin e Shqipërisë në BE dhe investimet e huaja, si dy fushat kryesore që pengohen më shumë nga një gjyqësor i pa reformuar. Ai theksoi gjithashtu se hapat përpara drejt anëtarësimit të Shqipërisë në BE, varen nga kjo reformë. I ngarkuari me punë, Hickling, tha se reforma nuk duhet të ndodhë për të mirën e Bashkimit Europian, komunitetit ndërkombëtar, ambasadave ose Komisionit të Venecias. “Nuk duhet ta bëni atë për të mirën tonë, Shqipëria duhet ta ndërmarrë këtë reformë për veten e saj, pavarësisht faktorëve të tjerë”, u shpreh ai.

Apeli ndaj opozitës  

Ambasada britanike shpreson që partitë e opozitës, të sjellin ekspertizën e tyre ligjore në këtë proces, pasi reforma në drejtësi është çështja kryesore me të cilën përballet Shqipëria dhe të gjitha palët kanë përgjegjësinë për të luajtur rolin e tyre. Më pas, në këtë takim, vendi iu la diskutimeve dhe pyetjeve të grupeve të interesit, të pranishëm në këtë konsultim, të cilat u mbajtën shënim nga organizatorët, për t?u trajtuar nga Grupi i Ekspertëve të Nivelit të Lartë. Ata ftuan studentët dhe pedagogët, si dhe përfaqësuesit e grupeve të interesit që të jenë aktivë me propozime dhe mendime edhe përmes faqes online të Reformës në Drejtësi, www.reformanedrejtesi.al, apo dhe kontakteve të drejtpërdrejta me përfaqësuesit e Komisionit të Posaçëm Parlamentar për Reformën. Faza e konsultimeve publike, sipas kalendarit që është miratuar, do të vijojë në Universitetin ?Eqerem Çabej?, Gjirokastër, dhe në Universitetin ?Luigj Gurakuqi?, Shkodër.

Gazeta Sot





Lajmet e fundit nga