E fundit!

09:26 Aktualitet

VIDEO/ "Të jetë birrë vallë apo ujë?"

Deputeti i Partisë Demokratike, Saimir Korreshi, ka publik...

Dhori Kule dhe 6 dekanë kërkojnë në Kuvend rrëzimin e kapitullit 12 që financon UET

7 Korrik 2015, 09:30, Aktualitet CNA

Universiteti i Tiranës ka kundërshtuar ashpër ligjin e qeverisë për arsimin e lartë, e sidomos kapitullin 12 të tij. Rektori Dhori Kule dhe dekanët e 6 fakulteteve përbërëse ishin dje në Komisionin parlamentar të Edukimit dhe Medias, ku shprehën qëndrimet dhe sugjerimet e tyre ndaj draftit, ku njëzëri kërkuan heqjen e kapitullit 12.

Kule u shpreh në emër të Universitetit të Tiranës se kapitulli 12 bie ndesh me parimet kushtetuese dhe nëse ai miratohet nuk do të dëmtojë rëndë vetëm sistemin arsimor shqiptar, por dhe shumë fusha të tjera. ?Në këtë projekt ka një strukturë të re që nuk gjendet në asnjë institucion arsimor në vendet e BE. Është kapitulli i 12 që parashikon krijimin e institucioneve publike të pavarura. Nëse do të ketë institucione të tilla, nga e mirë publike ato degradojnë në e mirë private dhe humbet përmbajtja e arsimit të lartë. Jemi përpjekur të gjejmë në legjislacionin e vendeve evropiane një model të përafërt, por nuk e gjejmë asgjëkund. Modeli i institucioneve publike të pavarura nuk e ekziston. Do të sugjeronim të hiqet pasi prania e këtij institucioni problematik do ta shkatërronte në të ardhmen arsimin e lartë?, tha Dhori Kule. Më tej rektori deklaroi se ky kapitull duhet të lihet si pjesë e strategjisë së MAS, pasi në të ardhmen ndoshta ndryshojnë modelet evropiane të arsimit, por sipas tij, aktualisht ai nuk mund të implementohet në arsimin shqiptar. Po ashtu Kule tha se kapitulli 12 bie ndesh me Kushtetutën, pasi kjo e fundit garanton autonomi dhe jo pavarësi.

?Në qoftë se do të bëhet pjesë e ligjit ky lloj institucioni që ka riskun për ta kthyer të mirën publike në të mirë private, atëherë arsimi i lartë do të ketë pasoja shumë të mëdha. Unë e kam deklaruar se është antikushtetues dhe e gjej këtë pjesë, sepse Kushtetuta universiteteve u jep autonomi dhe jo pavarësi. Të krijosh një institucion ku nuk ka asnjë model, nuk ka asnjë model të këtij lloji. Aq më keq në Shqipëri kur duhet të stabilizohen dy linjat, publike dhe jo publike?, vijoi rektori Kule.

Gazeta ‘Sot’