E fundit!

13:22 Politikë

“Forcimi i lekut, sukses i ekonomisë”/ Rama: Deklaratat për 'narkoparatë' nuk lidhen me realitetin

Kryeministri Edi Rama gjatë bashkëbisedimit me përfaqësues...

Flamur Kuçi: PD-ja drejt shkatërrimit

6 Korrik 2015, 12:07, Aktualitet CNA

Dy javë pas zgjedhjeve vendore, ish-këshilltari i Sali Berishës për çështjet e menaxhimit urban, Flamur Kuçi, ka bërë një analizë të humbjes së thellë të Partisë Demokratike.

Kuci bën përgjegjës kryesor për humbjen e PD-së, kreun e PD-së , pasi, para zgjedhjeve të 2015-ës, sipas tij, Basha tha se këto zgjedhje janë basti personal i tij.

? Nuk mund të jetë asnjë tjetër veçse Luli përgjegjës për rezultatin zgjedhor. Çdo tendencë për ta devijuar, kamufluar apo zbehur këtë përgjegjësi është një prerje në besë dhe tallje e elektoratit?, tha Flamur Kuçi në një intervistë për ?Shekulli?-n.

Lidhur me qëndrimet e deputetëve demokrat, Mesila Doda, Jozefina Topalli dhe Astrit Patozi, duke pranuar humbjen e PD-së në zgjedhjet e 21 qershorit, Kuci deklaron se PD-ja po përjeton një degradim nën lidershipin e Bashës dhe ?krisja? ka qenë gogoli për të pranuar heshturazi dhe pa debat këtë mënyrë difektoze të drejtimit të opozitës nga Basha.

?Nivele të tilla, pjesë e vendimmarrjes së PD-së, kanë gjithë instrumentet e duhur politikë dhe vendimmarrës në dorë për të reflektuar ndjeshmëritë dhe pritshmëritë e mbështetësve të opozitës. Prandaj, mendoj unë, serioziteti i zërave matet me materializimin e veprimit të tyre politik në funksion të ringritjes së opozitës.

Në të kundërt pseudo-kritika i bën shërbimin më të madh lidershipit aktual mediokër të Bashës dhe njëkohësisht dëmin më të madh thyerjes së aspiratave të mbështetësve të djathtë. Unë besoj se mbështetësit e PD-së lexojnë qartë lidershipin dhe trendet politike dhe nëse kuptojnë që shansi i reformimit të kësaj force politike shuhet, do të vazhdojnë ta ndëshkojnë këtë forcë duke i dhënë leksionin e duhur politik dhe përgjigjen e duhur arrogancës së Bashës në drejtimin e opozitës? theksoi Kuci.

Ai rikujton zgjedhjet e 2013-ës dhe ish-kryeministrin Berisha. Edhe pse zgjedhjet nuk ishin basti personal i Berishës, thotë Kuçi, ai mori përsipër përgjegjësitë duke dhënë dorëheqjen.

Kuci këmbëngul se nëse PD-ja do të vazhdojë të drejtohet po me të njëjtën arrogancë rrezikon të kthehet forcë e tretë në vend. Ndërsa sa i përket analizës së humbjes që pritet të bëhet në shtator ai shprehet me rezerva.