E fundit!

12:23 Kosova & Bota

Europa në “valën e vdekjes”/ Temperaturat rekord shkaktojnë kaos dhe humbje jete

Një valë ekstreme e të nxehtit ka përfshirë Evropën, duke ...

Arrestohet vrasesi i turisteve çeke, 20-vjeçari Sokol Mjacaj u rrethua ne Grude

5 Korrik 2015, 14:01, Aktualitet CNA

Identifikohet dhe arrestohet personi i dyshuar për vrasjen e turistëve çekë, Michal Svatos dhe Anna Kasinova në Prekal të Dukagjinit. Policia e Shtetit deklaron se autori i vrasjes së të premtes mbrëma është një i ri i moshës 20 vjeçare banor i zonës së Dukagjinit, I dyshuari është Sokol Fran Mjacaj i moshës 20 vjeçare nga fshati Lotaj komuna Shalë – Shosh e Dukagjinit në Shkodër. Ai u ndalua pak para orës 16.00 në Grudë të Re, disa kilometra larg Shkodrës nga Forcat e Ndërhyrjes së Shpejtë. Mjacaj prej një muaji kishte dalë nga qelitë, pasi ishte dënuar me pesë vite burgim për vjedhje me pasojë vdekjen e një fëmije në bashkëpunim, ngjarje e ndodhur në vitin 2010. Autorësia e të riut është vërtetuar shkencërisht me disa gjurmë daktiloskopike në brendësi të mjetit. Është dokumentuar plotësisht ngjarja dhe motivi mendohet të jetë grabitja e makinës. Policia u vu në ndjekje të autorit dhe operacioni u përqendruar në fshatin Grudë, ku u përfshinë rreth 350 forca policie. Në vijim të operacionit për kapjen e të kërkuarit, si pasojë e pakujdesisë është vetëplagosur në krah efektivi i policisë Pëllumb Shpati. Ai ndodhet nën kujdesin e mjekëve jashtë rrezikut për jetën. Efektivët e policisë u bënë thirrje banorëve të mos strehonin autorin dhe të kontribuonin në kapjen e tij. Nga hetimet e policisë, mendohet se autori i krimit ka hipur me forcë në automjetin e turistëve çekë dhe ndërsa viktima Svatos nuk e ka ndalur automjetin, ai ka qëlluar me armë dhe ka hipur në mjet. I riu duket se kishte ngritur kurth ndaj turistëve për t?u grabitur mjetin dhe paratë që kishin me vete. Mjacaj cilësohet si person me rrezikshmëri të lartë shoqërore. Lidhur me këtë ngjarje janë marrë në pyetje pronarët e hotelit ku kanë kaluar natën viktimat Michal Svatos dhe Anna Kasinova. Ata janë pyetur nëse turistët çekë kanë qënë të shoqëruar me persona të tjerë, por sipas tyre ata kishin qenë vetëm.