web counter
LEXO PA REKLAMA!

SHKARKO APP

App Store
Google Play

E fundit!

x

A ka ftohje mes amerikanëve dhe Edi Ramës?

3 Korrik 2015, 06:45, Politikë CNA

Raportet mes kryeminsitrit Edi Rama dhe përfaqësisë diplomatike të Shteteve të Bashkuara të Amerikës në Tiranë, janë ngarkuar më tej me nervozizëm, provokime të dyanshme, thyerje besimi dhe zymtësi. Zgjedhjet e 21 Qershorit, ku triumfuan të gjithë kandidatët e skeduar si të inkriminuar, duket se kanë thelluar më tej hendekun mes kryeministrit shqiptar dhe amerikanëve.

Pas mesazheve të forta, gjuhës së prerë dhe të ashpër, thirrjeve me natyrë ultimative për t?u distancuar nga kandidatët e inkriminuar, raporteve fshikulluese, paralajmërimit për bllokim vizash dhe izolim ndërkombëtar, anulimit të takimeve etj., marrëdhëniet mes amerikanëve dhe shefit të qeverisë shqiptare kanë rrëshkitur në një stad tjetër, në atë të lëvizjeve konkrete politike dhe diplomatike.

Për herë të parë që pas rivendosjes së marrëdhënieve diplomatike me Shtetet e Bashkuara të Amerikës, një ambasador amerikan bojkotoi festën e themelimit të Partisë Socialiste, subjektit më të madh në pushtet, me kryetar kryeministrin Edi Rama. Pas largimit të zëvendësndihmës Sekretarit të Shtetit të SHBA, Hoyt Brian Yee, nga Tirana pa takuar kryeministrin Edi Rama, tashmë është ambasadori amerikan në Tiranë, Donald Lu, i cili bojkotoi festën e dyfishtë të PS, për themelimin dhe fitoren e zgjedhjeve. Nuk dihet se ç?rrjedhë do të marrin në të ardhmen raportet me amerikanëve dhe Edi Ramës, por sipas gjasave, kryeministri shqiptar, do ta mbyllë këtë mandat pa shkelur në Shtëpinë e Bardhë.





Lajmet e fundit nga