web counter
LEXO PA REKLAMA!

SHKARKO APP

App Store
Google Play

Kriza greke ndan mazhorancën, deputetët e PS rrëzojnë Kokëdhimën

1 Korrik 2015, 06:22, Politikë CNA

Deputetë të mazhorancës kanë ndarë mendime të ndryshme për impaktin e krizës greke në Shqipëri. Në mbledhjen e djeshme të Komisionit të Ekonomisë dhe të Financave, ku po diskutohej ligji që autorizon ministrin e Financave të marrë borxh në tregun ndërkombëtar përmes eurobondit, vëmendjen më të madhe e mori kriza greke, ku deputetët shprehën mendime të ndryshme për impaktin që mund të ketë në ekonominë shqiptare. Deputeti i Partisë Socialiste, Koço Kokëdhima, sugjeroi që Komisioni i Ekonomisë të zhvillojë një seancë të posaçme diskutimi për impaktin që mund të ketë kriza greke në ekonominë shqiptare. Ai tha se mbase në këtë mënyrë mund të dalin sugjerime dhe rekomandime që do të ishin të vlefshme, jo vetëm për opinionin publik por edhe për qeverinë.

Këtë ide nuk e mbështeti kryetari i Komisionit të Ekonomisë dhe të Financave, Erion Braçe i cili tha se autoritetet më të larta financiare të vendit janë duke mbikëqyrur situatën hap pas hapi dhe nuk ka vend për panik. Braçe shtoi se në rast përshkallëzimi të situatës në Greqi, qeveria shqiptare i ka marrë të gjitha masat për të parandaluar efektet negative që mund të ketë mbi ekonominë shqiptare.

 





Lajmet e fundit nga